හිටපු රාජ්‍ය අමාත්‍ය ලොහාන් රත්වත්තගේ බිරිදට අයත් අංක 145, ශාලාව පාර, මිරිහාන, නුගේගොඩ ලිපිනයේ පිහිටි නිවසේ රථ ගාලෙහි තිබි අංක තහඩු රහිත සැකකටයුතු මෝටර් රථයක් අත් අඩංගුවට ගෙන ඇත.

මේ සම්බන්ධයෙන් රාජ්‍ය අමාත්‍යවරයා ප්‍රකාශයක් ලබා දෙමින් ප්‍රකාශ කර ඇත්තේ, දැනට මියගොස් ඇති ඔහුගේ හිටපු සම්බන්ධීකරණ ලේකම්වරයා විසින් තමාටද නොදන්වා එම මෝටර් රථය නිවසේ ගාල්කර ඇති බවය.

ඒ සම්බන්ධයෙන් තමන් කිසිත් නොදන්නා බවද ලොහාන් රත්වත්තේ පොලිසියට ප්‍රකාශ කර ඇතැයි වාර්තා වේ.

මෙලෙස පොලිස් භාරයට ගෙන ඇත්තේ සුදු පැහැති ලෙක්සස් වර්ගයට අයත් සුඛෝපභෝගී ජීප් රථයකි.

මෙය ලියාපදිංචි නොකළ වාහනයක් ද යන්න පිළිබඳව පොලිසියෙන් වැඩිදුර තොරතුරු ජනමාධ්‍යය වෙත හෙළිකර නැත.