නියමු කුටි ප්‍රොටෝකෝල් නීති කඩකිරීම සම්බන්ධයෙන් ගුවන් නියමුවකුට එරෙහිව ගුවන් සමාගම කඩිනම් ක්‍රියාමාර්ග ගැනීමෙන් පසු, ඕස්ට්‍රේලියාවේ ගුවන් සේවා ආරක්ෂණ සහ නිෂ්පාදන ශ්‍රේණිගත කිරීමේ නියෝජිතායතනයක් වන AirlineRatings.com විසින් ශ්‍රීලංකන් ගුවන් සමාගමේ තරු 7 තත්ත්වය යථා තත්ත්වයට පත්කර ඇති බව ශ්‍රීලන්කන් ගුවන් සේවය අද නිවේදනය කළේය.

පසුගිය සැප්තැම්බරයේ සිඩ්නි සිට කොළඹ දක්වා පැය 10ක ගුවන් ගමනක් අතරතුර සහායක කාන්තා ගුවන් නියමුවරිය නියමු කුටියෙන් පිටතට අගුළු දැමූ කපිතාන්වරයෙකු සම්බන්ධ සිද්ධියක් හේතුවෙන් මීට පෙර AirlineRatings.com විසින් ගුවන් සමාගමේ ආරක්‍ෂිත ශ්‍රේණිගත කිරීම තරු හතේ සිට හය දක්වා පහත දමා තිබිණි.

සිද්ධියට සම්බන්ධ කපිතාන්වරයාගේ වැඩ තහනම් කරමින් ශ්‍රී ලංකන් ගුවන් සේවය ප්‍රතිචාර දැක්වීය.

මීට අමතරව, ආරක්ෂක රෙගුලාසි සහ ප්‍රොටෝකෝලවලට අනුකූල වීම සහතික කිරීම සඳහා ශ්‍රී ලංකා සිවිල් ගුවන් සේවා අධිකාරිය මේ සම්බන්ධයෙන් පරීක්ෂණයක් ආරම්භ කර ඇත.