පසුගියදා පැවැති විස්සයි20 තරගාවලියේදී ආබාධයකට ලක්ව ක්‍රීඩාකළ පැතුම් නිස්සංක තවමත් සම්පූර්ණ සුවය ලබා නොමැති බැවින් බටහිර ඉන්දීය කොදෙව්වන්නට එරෙහි පළමු එක්දින තරගයෙන් විවේක ගන්වනු ඇතැයි අපේක්ෂා කෙරේ.

එක්දින තරඟාවලියේ සමාරම්භක තරඟය හෙට(ඉරිදා) පල්ලෙකැලේ දී ආරම්භ වීමට නියමිතය.

පැතුම් නිස්සංක නොමැති විට, අවිශ්ක ප්‍රනාන්දු සමඟින් කුසල් මෙන්ඩිස් ආරම්භක පිතිකරු භූමිකාවට පිවිසීමට ඉඩ ඇති අතර, කමිඳු මෙන්ඩිස් තීරණාත්මක අංක 3 ස්ථානයට පත්වනු ඇතැයි අපේක්ෂා කෙරේ.

පන්දු යැවීමේ අංශයෙන් ශ්‍රී ලංකාව, ආබාධයක් හේතුවෙන් පෙර ඉන්දීය තරගාවලිය අහිමි වූ සුපිරි දඟපන්දු යවන ක්‍රීඩක වනිඳු හසරංගගේ නැවත පැමිණීම පිළිගනු ඇත.

හසරංගට අමතරව දඟපන්දු බලඇණියේ ප්‍රධාන කොටස්කරුවන් ලෙස ජෙෆ්රි වැන්ඩර්සේ සහ දුනිත් වෙල්ලාලගේ කටයුතු කරනු ඇතැයි අපේක්ෂා කෙරේ.