October 18, 2024
කඩවත සහ මීරිගම අතර මධ්‍යම අධිවේගී මාර්ගයේ කොටස දේශීය ආධාර මත ඉදිකිරීම් නැවත ආරම්භ කරන බව ප්‍රවාහන හා මහාමාර්ග අමාත්‍යාංශය නිවේදනය කරයි.
අමාත්‍යංශ ලේකම් කේ.ඩී.එස්. රුවන්චන්ද්‍ර පවසන්නේ, පළමු අදියරේ ඉදිකිරීම් සඳහා රුපියල් බිලියන 7.5ක් වෙන් කෙරෙන බවයි.
ඒ සඳහා දැනටමත් කැබිනට් පත්‍රිකාවක් ඉදිරිපත් කර ඇත.
දැනට ඉදිකිරීම් සඳහා තෝරාගෙන ඇති සමාගම් විසින් ව්‍යාපෘතිය භාරගනු ඇත.
මෙම කොටස කිලෝමීටර් 37 ක් විහිදෙන අතර අන්තර් හුවමාරු තුනක් ඇතුළත් වේ.
2020 දී වැඩ ආරම්භ කළ නමුත් ආර්ථික අර්බුදය හේතුවෙන් මෙම අදියර අතරමග නතර විය.
