October 10, 2024
තමන් අත්අඩංගුවට ගැනීමට ඇතැම් පොලිස් නිලධාරීන්ගේ කුමන්ත්‍රණයක් පවතින බව ජනමාධ්‍යවේදී තරිඳු ජයවර්ධන වැඩබලන පොලිස්පතිවරයාට ලිපියක් යවමින් අවධානය යොමුකර තිබේ.
ජයවර්ධන කියා සිටින්නේ මෙම පියවර 2019 පාස්කු ඉරිදා ප්‍රහාරයෙන් වින්දිතයන්ට යුක්තිය ඉෂ්ට කිරීම පිළිබඳ තමා වාර්තා කිරීම හා සම්බන්ධ බවයි.
තමන් සිදුකළ වාර්තා කිරීම්වලට අසත්‍ය ලේබලය අලවමින්, දැනට සිදුකෙරෙන පරීක්ෂණවලට බාධාවක් වන බවට අපරාධ පරීක්ෂණ දෙපාර්තමේන්තුව (CID) අධිකරණයට දන්වා ඇති බව ජයවර්ධන සිය ලිපියෙන් අවධාරණය කර ඇත.
එම චෝදනා තරයේ ප්‍රතික්ෂේප කරන ඔහු, තම වාර්තා කිරීම් මගින් අපරාධ පරීක්ෂණ දෙපාර්තමේන්තුවේ ඇතැම් නිලධාරීන්ගේ කටයුතු හෙළිදරව් කිරීම නිසා තමන්ව අත්අඩංගුවට ගැනීමට කුමන්ත්‍රණ කරන බවට චෝදනා කර තිබේ.
