උඩරට දුම්රිය මාර්ගය ආශ්‍රිතව ඉන්දියානු චිත්‍රපටයක් රූපගත කිරීම හේතුවෙන් උඩරට දුම්රිය මාර්ගයේ දුම්රිය ධාවනය දින 06ක කාලයකට සිමාකර ඇත.

මේ හේතුවෙන් බදුල්ල දක්වා ගමන් කිරීම සඳහා කළින් ප්‍රවේශපත්‍ර වෙන්කරවාගත් මගීන් දැඩි අපහසුතාවට පත්ව සිටිති.

දුම්රිය දෙපාර්තමේන්තුව විසින් රජයේ ප්‍රවෘත්ති අධ්‍යක්ෂවරයාට ලිපියක් යොමුකරමින් ඒ පිළිබඳව දැනුම්දී ඇත්තේ මේ ආකාරයෙනි.

‘2024.10.09 දින සිට 2024.10.15 දින දක්වා උඩරට දුම්රිය මාර්ගයේ ඇල්ල සහ දෙමෝදර අතර පිහිටි ආරුක්කු 9 පාලම මත ඉන්දු – ශ්‍රී ලංකා ඒකාබද්ද සිනමා පටයක් රුගත කිරීම හේතුවෙන් උඩරට දුම්රිය මාර්ගයේ දුම්රිය ධාවනය ඉහත දිනයන් හිදී පෙ.ව.07.30 සිට ප.ව.17.30 දක්වා කාලසීමාව තුල කොළඹ කොටුව සහ ඇල්ල දුම්රිය ස්ථාන දක්වා පමණක් සිදුකරනු ලබන බව දන්වා සිටින සිටිමි. මෙම සිනමා පටය ප්‍රදර්ශනය කිරීමෙන් පසු ශ්‍රී ලංකාව කෙරෙහි අමතර සංචාරක ආකර්ෂණයක් ඇතිවන බැවින් ප්‍රවාහන අමාත්‍යංශයේ අනුමැතිය මත මෙම රූගත කිරීම සිදුකරන අතර, අදාළ කාලසීමාව තුල දුම්රිය ධාවනය පහත පරිදි සිදුකිරීම සදහා සැලසුම් කර ඇත…..

මෙම මෙම සිනමා රූපගත කිරීමේ කටයුතු හේතුවෙන් දුම්රිය මගින් හට සිදුවන අපහසුතාවය පිලිබදව කනගාටුව ප්‍රකාශ කරන අතර, ඇල්ල දුම්රිය ස්ථානයෙන් සහ බණ්ඩාරවෙල දුම්රිය ස්ථානයෙන් ගමන් අවසන් කරන දුම්රියන් සදහා එම ගමන් අවසන් කරන දුම්රිය ස්ථානයේ සිට බදුල්ල දක්වා ඉදිරි දුම්රිය ස්ථානයන් වෙත ගමන් කිරීම සදහා බස්රථ යෙදවීමට කටයුතු සැලසුම් කර ඇති බව ද දන්වා සිටිමි.

ඇල්ල සහ බණ්ඩාරවෙල දුම්රිය ස්ථානයන්ගෙන් ගමන් ආරම්භ කිරීම සදහා සැලසුම්කර ඇති දුම්රියන් වල ගමන් කිරීමට නියමිත, බදුල්ල සහ අතර මැදි දුම්රිය ස්ථාන වල සිට ගමන් කරන මගීන් සදහා ද අදාළ දුම්රියන්ගෙන් ගමන් කල හැකි වන පරිදි සම්බන්දිත බස් රථ පහසුකම් ලබාදීමට ද කටයුතු හැලසුම් කර ඇති බව තව දුරටත් දන්වා සිටින අතර මේ සම්බන්ධයෙන් පුළුල් ප්‍රචාරයක් ලබා දීමට කටයුතු කරන්නේ නම් මැනවි.’

පහතින් දැක්වෙන්නේ එම ලිපියයි.