මාතර නිල්වලා ගඟට පැන සියදිවි හානි කර ගැනීමට උත්සාහ කළ පුද්ගලයෙකු ගැමුණු හේවා රෙජිමේන්තුවේ යුධ හමුදා සාමාජිකයන් විසින් ඊයේ උදෑසන බේරාගෙන තිබේ.

මාතර මහානාම පාලමින් ගඟට පැන සිටි පුද්ගලයා යුධ හමුදා සෙබළුන් විසින් බේරාගෙන කඩිනමින් මාතර මහ රෝහලට ඇතුළත් කර ඇත.

මෙම පුද්ගලයා පාලමෙන් පැන පහළට ගසාගෙන යන අයුරු පාලම අසල රැඳී සිටි යුද හමුදා සෙබළුන් දැක ඇති බව වාර්තා වේ.

වහා ක්‍රියාත්මක වූ සෙබළුන් තම කඳවුර අසල තිබූ බෝට්ටුවක් යොදාගෙන මහත් පරිශ්‍රමයකින් පසු එම පුද්ගලයා බේරාගෙන තිබේ.

ජීවිතය අවසන් කර ගැනීමට උත්සාහ කළ පුද්ගලයා වයස අවුරුදු 50 ත් 60 ත් අතර අයකු බවට හඳුනාගෙන ඇත.