නව ජනාධිපති අනුර කුමාර දිසානායක සිය පාලනයේ ආරම්භය සනිටුහන් කරමින්, අද ඔහුගේ අමාත්‍ය මණ්ඩලය දිවුරුම් දීමට නියමිත බව ජාතික ජන බලවේගයේ පාර්ලිමේන්තු මන්ත්‍රී විජිත හේරත් තහවුරු කරයි.

නොවැම්බර් මස අවසානයේදී මැතිවරණය ඉලක්ක කර ගනිමින් පාර්ලිමේන්තුව ඉක්මණින් විසුරුවා හැරීමට අපේක්ෂාවෙන් සිටින අතර, අලුතින් තේරී පත් වූ මන්ත්‍රීවරුන් සමඟ නව පාර්ලිමේන්තුවක් රැස්වන තෙක් නව කැබිනට් මණ්ඩලය ධුරයේ රැඳී සිටීමට අපේක්ෂා කෙරේ.

මේ වන විට විජිත හේරත්, ජනාධිපති අනුර කුමාර දිසානායකගෙන් හිස් වූ අසුනට පැමිණි ලක්ෂ්මන් නිපුණආරච්චි සහ හරිනි අමරසූරිය යන පිරිස පාර්ලිමේන්තුවේ සිටින ජාජබ මන්ත්‍රීවරු වෙති.

පාර්ලිමේන්තුව විසුරුවා හැරීමේ හැකියාව පිළිබඳව සාකච්ඡා කිරීම සඳහා ජනාධිපතිවරයා තීරණාත්මක රැස්වීමක් කැඳවා ඇති බව ජාජබ පාර්ලිමේන්තු මන්ත්‍රී විජිත හේරත් ද තහවුරු කරයි.