September 19, 2024
සැප්තැම්බර් 21 ජනාධිපතිවරණයට පෙර ජාතික ජන බලවේගයේ ජනාධිපති අපේක්ෂක අනුර කුමාර දිසානායක සිය අවසන් ප්‍රචාරක කතාව පවත්වන විට දහස් ගණන් ආධාරකරුවෝ ඊයේ නුගේගොඩ ආනන්ද සමරකෝන් එළිමහන් රංග පීඨයට රැස්ව සිටියහ.
තම මැතිවරණ ව්‍යාපාරය, ධනයෙන්, රාජ්‍ය බලයෙන් හෝ ජනමාධ්‍ය ප්‍රචාරණයෙන් නොව ජනතාව විසින් ගොඩනඟන ලද්දක් බව අවධාරණය කරමින් අනුර දිසානායක සැබෑ වෙනසක් සඳහා ඡන්දය දෙන ලෙස ජනතාවගෙන් ඉල්ලා සිටියේය.
“දේශපාලනඥයන් අද පවා සිතන්නේ අතීතයේ මෙන් මුදල්, රාජ්‍ය බලපෑම් සහ අමානුෂික බලය යොදාගෙන මැතිවරණ ජයග්‍රහණය කළ හැකි බවයි. ජනමාධ්‍ය හැසිරවීමෙන් ජයග්‍රහණය කළ හැකි බව ඔවුන් විශ්වාස කරනවා. නමුත් අපි අපේ දේශපාලන ව්‍යාපාරය ගොඩ නැගුවේ බිම් මට්ටමේ සිට, ජනතාව එය කරපිටින් ගෙන යමින්,” අනුර දිසානායක පැවසීය.
තම ප්‍රචාරක ව්‍යාපාරයේ සාර්ථකත්වය සඳහා තම ආධාරකරුවන්ගේ අධිෂ්ඨානය සහ වෙහෙස මහන්සි වී වැඩ කිරීම බැර කරන බව පැවසූ ඔහු, මෙම මැතිවරණය අයිති වන්නේ දේශපාලන ප්‍රභූන්ට නොව ජනතාවට බවත් පැවසීය.
මෙවර මැතිවරණය ඓතිහාසික අවස්ථාවක් බවට පත්කරමින් දේශපාලන වෙනසක් සඳහා ඡන්දදායකයන් අන් කවරදාටත් වඩා උනන්දුවෙන් සිටින බව අනුර දිසානායක අවධාරණය කළේය.
ජාතික ජන බලවේගයට ඡන්දය දීම ගැන ජනතාවට කිසි විටෙකත් පසුතැවෙන්නට වන්නේ නැති බව ඔහු තම ආධාරකරුවන්ට සහතික විය.
යහපත් අනාගතයක් පිළිබඳ බලාපොරොත්තුව දැන් තම ව්‍යාපාරයේ ගාමක බලවේගය බවට පත්ව ඇති බවද ඔහු එහිදී වැඩිදුරටත් ඔහු පැවසීය.
ජාතික ජන බලවේගය බෞද්ධ විරෝධී හෝ මුස්ලිම් විරෝධී බවට එල්ල වන චෝදනා ප්‍රතික්ෂේප කරමින්, සමගි ජන බලවේගය ඇතුළු ප්‍රතිවාදී පක්ෂ විසින් පතුරුවා හරින ලද අසත්‍ය තොරතුරු ද අනුර දිසානායක මෙහිදී පෙන්වාදුන්නේය.
මෙම අසත්‍ය ප්‍රකාශ බෙදීම් සහ වාර්ගික ආතතිය ඇති කිරීමටහේතුවන බවට ඔහු අනතුරු ඇඟවීය.
