September 18, 2024
හිටපු ජනාධිපති ගෝඨාභය රාජපක්ෂ ශ්‍රී ලංකාවේ ආර්ථික අර්බුදයේ ගොදුරක් ලෙස යොදාගත් බව ජාතික ජන බලවේගයේ නායක ජනාධිපති අපේක්ෂක අනුර කුමාර දිසානායක ප්‍රකාශ කළේය.
ජන රැලියක් අමතමින් ඔහු කියාසිටියේ මෙම අර්බුදය සැලසුම් කර ඇත්තේ ජනාධිපති රනිල් වික්‍රමසිංහ බවයි. හිටපු ජනාධිපති ගෝඨාභය රාජපක්ෂට ප්‍රශ්නයේ ප්‍රතිවිපාකවලට මුහුණ දීමට සිදු වූ බව ද අනුර කුමාර දිසානායක ප්‍රකාශ කළේය.
“ඉන්ධන, ගෑස් සහ අත්‍යවශ්‍ය ද්‍රව්‍ය හිගයට ප්‍රධාන හේතුවක් වූයේ රනිල් වික්‍රමසිංහයි. නමුත් අවසානයේ ගෝඨාභයට වරද භාර ගැනීමට සිදුවුණා. ගෝඨාභය කළ නූගත් වැරදි පැත්තකින් තැබුවොත් ආර්ථිකය විනාශ කළේ රනිල් සහ ඔහුගේ කඳවුර බව පැහැදිලියි. අර්බුදය නිර්මාණය කළේ රනිල්, නමුත් ගෝඨාභයට එහි ප්‍රතිඵලවලට මුහුණ දීමට සිදුවුණා. වෙලාවකට මට ගෝඨාභය ගැන දුකත් හිතෙනවා.” යනුවෙන් අනුර කුමාර දිසානායක පැවසීය.
ඔහු පෙන්වා දුන්නේ ගෝඨාභය රාජපක්ෂ බලයෙන් පහ කළ පසු රනිල් වික්‍රමසිංහ රට භාරගෙන ණය ගෙවීම නතර කළ බවයි.
“ඔහු පැවසුවේ ණය ආපසු නොගෙවන බව හා එහි ප්‍රතිඵලයක් ලෙස ඩොලර් ඉතිරි වන බවයි. මෙම ඉතිරි ඩොලර් භාවිතා කරමින් ඔහු ඉන්ධන සහ ගෑස් සැපයීමට කටයුතු කළා. ඔහු නොවන්නට මේ කිසිවක් කළ නොහැකි බව ඔහු දැන් පවසනවා. ඔහු මෙහි නොසිටියේ නම් කිසිදා අර්බුදයක් ඇති නොවනු ඇතැයි මම කියනවා, ” ජාතික ජන බලවේගයේ නායක ජනාධිපති අපේක්ෂක අනුර කුමාර දිසානායක ප්‍රකාශ කළේය.
