අගෝස්තු 22 වැනි දින අභාවප්‍රාප්ත වූ අභාවප්‍රාප්ත ජනාධිපති අපේක්ෂක ඉද්රූස් මොහොමඩ් ඉලියාස් වෙනුවෙන් ප්‍රකාශ කෙරෙන ලද සියලුම ඡන්ද ප්‍රතික්ෂේප කරන බව ශ්‍රී ලංකා මැතිවරණ කොමිෂන් සභාව නිවේදනය කරයි.

2024 සැප්තැම්බර් 21 දිනට නියමිතව තිබූ ජනාධිපතිවරණය සඳහා ඉද්රූස් මොහොමඩ් ඉලියාස් නාමයෝජනා භාරදී තිබිණි.

එහෙත් ඔහුගේ මරණයෙන් දින තුනක් ඇතුළත ආදේශකයකු නම් කිරීමට අවස්ථාව තිබියදීත්, ඔහුගේ නාමික , එසේ කිරීමට අසමත් විය.

ඒ හේතුවෙන් ඔහුට යම් ඡන්දයක් ප්‍රකාශ කළහොත් ඒවා වලංගු නොවන ලෙස සලකා ප්‍රතික්ෂේප කරනු ලැබේ.

1981 අංක 15 දරන ජනාධිපතිවරණ පනතේ 22(1)(ආ) උප වගන්තියට අනුව මැතිවරණ කොමිෂන් සභාව මේ සම්බන්ධයෙන් පැහැදිලි උපදෙස් නිකුත් කර ඇත.