September 18, 2024
අද මධ්‍යම රාත්‍රියෙන් අවසන් වන ජනාධිපතිවරණයේ ප්‍රචාරක කාලය නිමාවීමට පෙර ප්‍රධාන මැතිවරණ ප්‍රචාරක රැලි 11ක් පමණ පැවැත්වීමට නියමිතය.
ස්වාධීන අපේක්ෂක රනිල් වික්‍රමසිංහ මාතර, ගාල්ල, කළුතර, හෝමාගම සහ මරදාන යන ප්‍රදේශවල රැස්වීම් තුනක් ඇමතීමට නියමිතය. ඔහුගේ අවසන් රැළිය මරදානේදී පැවැත්වේ.
විපක්ෂ නායක සජිත් ප්‍රේමදාස ගාල්ල, බේරුවල සහ මැද කොළඹ ප්‍රදේශවල රැලිවලට සහභාගි වීමට නියමිතය.
ඔහුගේ අවසන් රැලිය මරදාන ටවර් හෝල් ඉදිරිපිටදී පැවැත්වේ.
ජාතික ජන බලවේගයේ අපේක්ෂක අනුර කුමාර දිසානායක කළුතර, ගම්පහ සහ නුගේගොඩ ප්‍රදේශවල රැස්වීම් ඇමතීමට නියමිතය. නුගේගොඩ රැළියෙන් ඔහුගේ ප්‍රචාරක කටයුතු අවසන් වේ.
ශ්‍රී ලංකා පොදුජන පෙරමුණේ අපේක්ෂක නාමල් රාජපක්ෂ තිස්සමහාරාම සහ මතුගම ප්‍රදේශවල රැලි අමතනු ඇත. ඔහුගේ අවසන් රැළිය පැවැත්වෙන්නේ පිළියන්දලදී ය.
