කැස්බෑව ජාලියගොඩ විකල්ප මාර්ගයේ යතුරුපැදි සංදර්ශනවල නිරත වූ තරුණයන් 12 දෙනෙකු අත්අඩංගුවට ගෙන ඇති බව පොලීසිය පවසයි.

වැටළීමේදී යතුරුපැදි 18ක් අත්අඩංගුවට ගෙන ඇති අතර තරුණයන් හය දෙනෙකු එම ස්ථානයෙන් පළාගොස් තිබේ.

ත්‍රිරෝද රථ සහ යතුරුපැදි විශාල ප්‍රමාණයක් යොදා ගනිමින් ප්‍රදේශයේ සංදර්ශනවල සිදු කරන බවට පිළියන්දල පොලිසියට ලැබුණු පැමිණිල්ලකට අනුව මෙම වැටළීම සිදු කර ඇත.

ලද පැමිණිල්ල අනුව TikTok හි පළ කිරීම සඳහා බයිසිකල් ස්ටන්ට් කරන තරුණයන් අත්අඩංගුවට ගැනීම සඳහා පොලිස් නිලධාරීන් 10 දෙනෙකු ප්‍රදේශයට යොමුකර ඇත.

රුපියල් ලක්ෂය දක්වා ඔට්ටු ඇල්ලීම සඳහා ද ඇතැම් ක්‍රියාකාරකම් සිදු කර ඇති බව විමර්ශනවලදී අනාවරණය වී තිබිණි.

මෙම තරුණ පිරිස ඇප මත මුදා හැර ඇති අතර සැප්තැම්බර් 18 වැනි බදාදා කැස්බෑව අධිකරණයට ඉදිරිපත් කිරීමට නියමිතය.

මේ අතර යතුරුපැදි එම ස්ථානයේ දමා ගිය තරුණයන් යතුරුපැදි අංක තහඩුවල තොරතුරු මත සොයාගැනීමට පොලිසිය කටයුතු කරමින් සිටියි.