ශ්‍රී ජයවර්ධනපුර විශ්වවිද්‍යාලය වසා දැමීමට හේතු වූ බව කියන ගැටුමට ජාතික ජන බලවේගයේ ප්‍රධාන හවුල්කරුවකු වන ජනතා විමුක්ති පෙරමුණ වගකිව යුතු බවට පළ වූ මාධ්‍ය වාර්තා ජාතික ජන බලවේගය තරයේ ප්‍රතික්ෂේප කළේය.

මාධ්‍ය අමතමින් ජාතික ජන බලවේගයේ හිටපු පාර්ලිමේන්තු මන්ත්‍රී වෛද්‍ය නලින්ද ජයතිස්ස කියා සිටියේ ඔවුන්ගේ කිසිදු සම්බන්ධයක් නැති කරුණකට ජාතික ජන බලවේගයේ මත වරද පැටවීමට විවිධ පාර්ශ්ව උත්සාහ කරන බවයි.

ඔහු වැඩිදුරටත් පැවසුවේ, එය ඉදිරි ජනාධිපතිවරණයේදී පරාජයට පත්වීම හමුවේ විරුද්ධ කඳවුරු කැළඹී ඇති ආකාරය පිළිබඳ පැහැදිලි සලකුණක් බවයි.