August 30, 2024
ජනාධිපතිවරණයට ඉදිරිපත්ව සිටින ඇතැම් අපේක්ෂකයන් නීතිය ක්‍රියාත්මක කරන බලධාරීන්ගෙන් අසාමාන්‍ය ඉල්ලීම් ඉල්ලා ඇති බව වාර්තා වේ.
එවැනි ඉල්ලීම් ප්‍රතික්ෂේප කර ඇති අතර සමහර ඒවා සළකා බලමින් පවතින බව වාර්තා වේ.
ආරංචි මාර්ගවලට අනුව එක් ජනාධිපති අපේක්ෂකයකු තම ආරක්ෂාව සඳහා ස්නයිපර්වරයකු ඉල්ලා ඇති අතර එම අපේක්ෂකයාට ඇති තර්ජන ශුන්‍ය ලෙස සළකා ප්‍රතික්ෂේප කර ඇත.
තවද, තම බිරිඳ සමඟ ජීවත් නොවන තවත් අපේක්ෂකයකු තම බිරිඳගෙන් යැයි කියන තර්ජන සඳහන් කරමින් ආරක්ෂාව ඉල්ලා ඇත.
ඉදිරි මැතිවරණ කාලසීමාවේදී හිටපු ජනාධිපතිවරුන්ගේ සහ ජනාධිපති අපේක්ෂකයන්ගේ ආරක්ෂාව තහවුරු කිරීම සඳහා රජය විසින් විශේෂ කමිටුවක් පසුගියදා පත් කරනු ලැබිණි.
