අත්‍යවශ්‍ය ඖෂධ හදිසි පදනම යටතේ මිලදී ගැනීම සඳහා ඉන්දියාවේ සෞඛ්‍ය අමාත්‍යාංශය සමඟ අවබෝධතා ගිවිසුමක් අත්සන් කිරීමට සෞඛ්‍ය අමාත්‍යාංශය කැබිනට් අනුමැතිය ඉල්ලා තිබේ.

සෞඛ්‍ය ඇමැති වෛද්‍ය රමේෂ් පතිරණ ජුලි 23 වැනි දින කැබිනට් පත්‍රිකාවක් නිකුත් කරමින් අවධාරණය කර ඇත්තේ ශ්‍රී ලංකාව තුළ දැනට ඖෂධ වර්ග 862ක් පවතින බවය.

ඉන් 14ක් අත්‍යවශ්‍ය ඖෂධ ලෙස වර්ග කර ඇති අතර ඖෂධ 474ක් අත්‍යවශ්‍ය ඖෂධ කාණ්ඩයට අයත් වේ.

වර්ග 160ක් අත්‍යවශ්‍ය නොවන ඖෂධ වේ.

ඉතිරි 214 ඖෂධ සමාගම් මගින් ලබාදෙන සහ ‘ප්‍රචාරක’ ඖෂධ ලෙස වර්ග කර ඇත.

කැබිනට් සංදේශයට අනුව සෞඛ්‍ය සේවා පවත්වාගෙන යෑම සඳහා වෛද්‍ය සැපයුම් අංශයට අවශ්‍ය ඖෂධවලින් 90% ක්ම සපයනු ලබන්නේ රාජ්‍ය ඖෂධ නීතිගත සංස්ථාව (SPC) මගිනි.

සෞඛ්‍ය අමාත්‍යාංශයේ ප්‍රසම්පාදන කටයුතු පිළිබඳ අතිරේක ලේකම් වයි.එල්.එම්. නවාවි පවසන පරිදි ගිවිසුම් යෝජනාව ඉදිරිපත් කිරීමට දිනයක් තහවුරු කිරීමට නොහැකි වුවද එය දැනට සකස් වෙමින් පවතින බවයි.

ඉන්පසු එය නීතිපති දෙපාර්තමේන්තුවට යවා කැබිනට් මණ්ඩලය මගින් අත්සන් කිරීමට කටයුතු සම්පාදනය කරන බව ඔහු පවසා ඇත.