අනුරාධපුරයේ ඊයේ පැවති ශ්‍රී ලංකා පොදුජන පෙරමුණේ මංගල රැලිය සංවිධානය කිරීමට අනුරාධපුර දිස්ත්‍රික්කය නියෝජනය කරන ශ්‍රී ලංකා පොදුජන පෙරමුණේ කිසිඳු පාර්ලිමේන්තු මන්ත්‍රීවරයකු සහභාගී නොවූ බව ශ්‍රී ලංකා පොදුජන පෙරමුණේ ප්‍රධාන ලේකම් සාගර කාරියවසම් පවසයි.

ප්‍රවෘත්ති සාකච්ඡාවකදී ඔහු කියා සිටියේ ජනතාව එය ප්‍රශ්නයක් කර නොගත් බවත් විශාල පිරිසක් රැලියට පැමිණ සිටි බවත්ය.

ජාතික අවශ්‍යතා පාවා දුන් සහ පක්ෂය හැර ගිය අය ආපසු භාර නොගන්නා ලෙස අනුරාධපුරයේ ජනතාව පක්ෂ නායක මහින්ද රාජපක්ෂගෙන් ඉල්ලා සිටින බව ද මන්ත්‍රීවරයා පැවසීය.