තණමල්විල ප්‍රදේශයේ 16 හැවිරිදි දැරියක් පාසල් සිසුන් 22 දෙනෙකු විසින් දූෂණය කිරීමේ සිද්ධියක් සම්බන්ධයෙන් පොලිසිය පරීක්ෂණ ආරම්භ කර තිබේ.

මේ සම්බන්ධයෙන් සැකකරුවන්ගෙන් කිහිපදෙනෙකුගෙන් සහ දෙමාපියන්ගෙන් ප්‍රකාශ සටහන් කරගෙන ඇති බව පොලිසිය පවසයි.

මූලික විමර්ශනවලදී සමූහ දූෂණයට ලක්වීමට පෙර තමාට බලහත්කාරයෙන් මත්පැන් පෙවූ බව වින්දිත දැරිය පොලිසියට පවසා ඇත.

ඇය ප්‍රකාශ කර ඇත්තේ, තමන් ඉගෙනුම ලබන පාසලේම පාසල් සිසුවෙකු සමඟ තමන් ආදර සම්බන්ධතාවක් පවත්වා ඇති බවයි.

ඇයව පෙම්වතාගේ නිවසට රැගෙන ගොස් තවත් පාසල් සිසුන් පිරිසක් සමඟ සමූහ දූෂණයට ලක්කර ඇත්තේ මත්පැන් පානය කරන ලෙසට බලකරමිනි.

එම සිද්ධියේ වීඩියෝ පටයක් පෙන්වමින් ඇයව බියගන්වා ඇති අතර, ඇය ආදරය කළ පාසල් සිසුවා සහ ඇගේ පාසලේ තවත් 21 දෙනෙකු විසින් වසරකට වැඩි කාලයක්විසින් ඇයව වරින් වර දූෂණය කර ඇත.

බුත්තල ප්‍රදේශයේ පදිංචි මෙම 16 හැවිරිදි පාසල් සිසුවිය පසුව රාගම ශික්ෂණ රෝහලේදී දරුවෙකු ප්‍රසූත කර තිබේ.

බුත්තල පොලිසිය පරීක්‍ෂණ පවත්වන අතර, පවසන්නේ, ඇය 19 හැවිරිදි තරුණයකු සමඟ ප්‍රේම සම්බන්ධයක් පවත්වා ඇති බවයි.

දැරිය ගැබිණියක් බව දැනගත් ඇගේ දෙමාපියන් ඇයව රාගම පිහිටි මිත්තණියගේ නිවසට යවා ඇත.

කෙසේවෙතත්, ඇය දරුවා ප්‍රසූත කිරීමත් සමඟ රෝහල් බලධාරීන් බුත්තල පොලිසියට ඒ පිළිබඳව දන්වා ඇති අතර ඔවුන් විසින් පරීක්ෂණ ආරම්භ කර තරුණයා අත්අඩංගුවට ගෙන ඇත.

සැකකරු ඊයේ වැල්ලවාය පොලිසියට ඉදිරිපත් කිරීමට නියමිතව තිබිණි.