ඉන්දීය නාවික හමුදා සබ්මැරීනයක් වන INS ශල්කි විධිමත් සංචාරයක් සඳහා අද කොළඹ වරායට සේන්දු විය.

INS Shalki යනු 40 දෙනකුගෙන් යුත් කාර්ය මණ්ඩලයකින් යුත් මීටර් 64.4 ක් දිග සබ්මැරීනයක් වන අතර එහි අණදෙන නිලධාරියා රාහුල් පට්නායික් ය.

මේ අතර, INS ෂල්කි සබ්මැරීනයේ අණදෙන නිලධාරීවරයා අද බටහිර නාවික විධාන මූලස්ථානයේදී බටහිර නාවික විධානය භාර ආඥාපති, රියර් අද්මිරාල් චින්තක කුමාරසිංහ හමුවිය.

සබ්මැරීනය කොළඹ රැඳී සිටින කාලය තුළ ශ්‍රී ලංකා නාවික හමුදාවේ පිරිස් සබ්මැරීනයේ ක්‍රියාකාරීත්වය පිළිබඳ දැනුවත් කිරීමේ වැඩසටහනකට සහභාගී වීමට අපේක්ෂා කෙරේ.

එපමණක් නොව, සබ්මැරීනයේ කාර්ය මණ්ඩල සාමාජිකයන් රටේ සංචාරක ආකර්ෂණ ස්ථාන කිහිපයක් ගවේෂණය කිරීමට අපේක්ෂා කෙරේ.

නිල සංචාරය අවසන් කරමින් INS ෂල්කි අගෝස්තු 04 වැනි දින දිවයිනෙන් පිටත් වේ.