බස් රථයක් තුළදී 25 හැවිරිදි හෙද නිලධාර්නියකගේ ළැම පෙදෙස ස්පර්ශ කළ බව කියන 63 හැවිරිදි විශ්‍රාමික විදුහල්පතිවරයකු අත්අඩංගුවට ගත් බව කළුතර දකුණ පොලිසිය පවසයි.

පැමිණිලිකාර හෙදිය කොළඹ සිට මාතර බලා ධාවනය වූ බසයක ගමන් කරන අතරතුර ඇය අසල වාඩිවී සිටී සැකකරු ළැම පෙදෙස ස්පර්ශ කළ බවට කොන්දොස්තරවරයාට කළ දැනුම් දීමක් මත බසය කළුතර දකුණ පොලිසිය ඉදිරිපිට නතර කර කළ දැනුම් දීමෙන් පසු සැකකරු අත්අඩංගුවට ගෙන ඇත.

මෙසේ අත්අඩංගුවට ගෙන.ඇත්තේ කරන්දෙණිය ප්‍රදේශයේ පදිංචි 63 හැවිරිදි පුද්ගලයෙකු බවත්, ඔහු ගාල්ල ප්‍රදේශයේ රාජකාරි කළ විශ්‍රාමික විදුහල්පතිවරයකු බවත් පොලිසිය සඳහන් කරයි.

සැකකරු අධිකරණයට ඉදිරිපත් කිරීමට නියමිතව සිටියේය. (ලංකාදීප)