පසුගිය වසර තුළ එච්.අයි.වී./ඒඩ්ස්(HIV/AIDS) රෝගීන් 40 දෙනෙකු හඳුනාගෙන ඇති බව ජාතික ලිංගාශ්‍රිත රෝග හා ඒඩ්ස් මර්දන වැඩසටහන වාර්තා කර ඇත.

ලිංගාශ්‍රිත රෝග පිළිබඳ විශේෂඥ වෛද්‍ය විනෝ ධර්මකුලසිංහ ප්‍රකාශ කර ඇත්තේ එච්.අයි.වී./ඒඩ්ස් වැළදී ඇති වැඩිහිටියන් සංඛ්‍යාව 3,169ක් බවයි.

එච්.අයි.වී. ආසාදිතයන් සංඛ්‍යාව 2022 දී 607 සිට 2023 දී 694 දක්වා වැඩි වූ අතර එය සියයට 14ක වැඩිවීමක් පෙන්නුම් කරයි.

මෙම රෝගීන් 694න් 613ක් පිරිමින්ය.

වයස අවුරුදු 15ත් 24ත් අතර වයස් කාණ්ඩ අතර ඒඩ්ස් ව්‍යාප්තිය ඉහළ යෑමක් ද වෛද්‍ය ධර්මකුලසිංහ පෙන්වා දී තිබේ.