July 20, 2024
පුත්තලම දිස්ත්‍රික් පාර්ලිමේන්තු මන්ත්‍රී අලි සබ්රි රහීම් අද පෙරවරුවේ භාරවීමෙන් පසු කල්පිටිය පොලිසිය විසින් අත්අඩංගුවට ගෙන තිබේ.
රාජ්‍ය නොවන සංවිධානයක් විසින් පුත්තලම මහේස්ත්‍රාත් අධිකරණයේ ගොනු කළ නඩුවකට අදාළව අධිකරණයේ පෙනී නොසිටීම හේතුවෙන් අලි සබ්රි රහීම් වහාම අත්අඩංගුවට ගන්නා ලෙස පුත්තලම අතිරේක දිසා විනිසුරු සහ මහේස්ත්‍රාත් අයෝනාරා විමලරත්න මීට පෙර විවෘත වරෙන්තුවක් නිකුත් කර තිබිණි.
රාජ්‍ය නොවන සංවිධානය විසින් අදාළ නඩුව ගොනුකර තිබුණේ අනවසරයෙන් ඇතුළුවීම සහ දේපළ හානි පිළිබඳ චෝදනා කරමිනි.
ඔහු අද පස්වරුවේ අධිකරණයට ඉදිරිපත් කිරීමට නියමිතය බව වාර්තා වේ.
මන්ත්‍රී රහීම් මාර්තු මාසයේදී පාර්ලිමේන්තුවේ මාසයක තහනමකට මුහුණ දුන්නේ ඒ සඳහා වූ යෝජනාවක් සම්මත වීමෙන් පසුවය.
ඔහු පසුගිය වසරේ කොළඹ බණ්ඩාරනායක අන්තර්ජාතික ගුවන් තොටුපළේදී රත්‍රං සහ ජංගම දුරකථන තොගයක් රහසේ රැගෙන ඒමට කළ උත්සාහයකට අදාළව අත්අඩංගුවට ගැනීම සම්බන්ධ ආන්දෝලනයකට ලක්ව සිටියේය.
