ජනාධිපතිවරයාගේ සහ පාර්ලිමේන්තුවේ ධුර කාලය සම්බන්ධයෙන් කිසිදු සැකයක් සහ නොගැළපීමක් ඇති වීම වළක්වා ගැනීම සඳහා සංශෝධනයක් ගෙන ඒමට ජනාධිපතිවරයා ඉදිරිපත් කළ යෝජනාවට ඇමැති මණ්ඩලයේ අනුමැතිය හිමිව තිබේ.

රජයේ ප්‍රවෘත්ති දෙපාර්තමේන්තුවේ අද පවතී කැබිනට් තීරණ දැනුම්දීමේ අවස්ථාවට එක්වෙමින් ඇමැති බන්දුල ගුණවර්ධන මේ බව ප්‍රකාශ කළේය.

ඔහුට පවසන්නේ ආණ්ඩුක්‍රම ව්‍යවස්ථාවේ 30 (2), 62 (2) සහ 83 (ආ) වගන්තිවලට අනුව ජනාධිපතිවරයාගේ සහ පාර්ලිමේන්තුවේ ධුර කාලය සම්බන්ධයෙන් අදාළ නොවන බව ඇමැති මණ්ඩලය නිරීක්ෂණය කර ඇති බවයි.

මේ සම්බන්ධයෙන් කිසිදු සැකයක් සහ නොගැළපීමක් වළක්වා ගැනීම සඳහා 83 වැනි ව්‍යවස්ථාව සංශෝධනය කිරීම සඳහා ආණ්ඩුක්‍රම ව්‍යවස්ථා ප්‍රතිසංස්කරණවලට අදාළ පනත් කෙටුම්පතක් සකස් කිරීම සඳහා ජනාධිපතිවරයා යෝජනාව ඉදිරිපත් කර තිබේ.

ඒ යටතේ 83 (ආ) ව්‍යවස්ථාවේ “වසර හයකට වැඩි” වගන්තිය වෙනුවට “අවුරුදු පහ ඉක්මවීම” යන වගන්තිය ආදේශ කරනු ඇත.