දේශබන්දු තෙන්නකෝන් පොලිස්පතිවරයා ලෙස පත් කිරීමට එරෙහිව ගොනු කර ඇති මූලික අයිතිවාසිකම් පෙත්සම් ජූලි මස 08 වැනිදා සළකා බැලීමට ශ්‍රේෂ්ඨාධිකරණය තීරණය කර තිබේ.

කොළඹ අගරදගුරු අතිඋතුම් කාදිනල් මැල්කම් රංජිත් හිමිපාණන්, මහාචාර්ය සාවිත්‍රි ගුණසේකර සහ හිටපු පාර්ලිමේන්තු මන්ත්‍රී හිරුණිකා ප්‍රේමචන්ද්‍ර ඇතුළු පාර්ශ්ව කිහිපයක් විසින් මූලික අයිතිවාසිකම් පෙත්සම් 8ක් ගොනු කර තිබිණි.

ගොනුකර තිබූ එම පෙත්සම් සම්බන්ධයෙන් ශ්‍රේෂ්ඨාධිකරණ ත්‍රිපුද්ගල විනිසුරු මඩුල්ලක් විසින් ඉහත තීන්දුව ඊයේ ප්‍රකාශයට පත් කරන ලදී.

දේශබන්දු තෙන්නකෝන් වෙත එල්ල වූ චෝදනා අතර පාස්කු ඉරිදා ප්‍රහාරය සම්බන්ධයෙන් ඔහුගේ අතපසුවීම් සහ 2022 මැයි මාසයේ ‘ගෝඨගෝගම’ විරෝධතා භූමියේ සිදු වූ සිදුවීම් ද වේ.