මෙරට ජාතික ගුවන් සේවය වන ශ්‍රීලන්කන් ගුවන් සේවය පසුගිය වසරේ අගභාගයේ සිට ආර්ථික පන්තියේ(Economy class) මගීන් සඳහා පිරිනමන ආහාරවලට ගම්මිරිස් සහ ලුණු පැකට් ලබා දීම නවතා ඉල්ලුම මත ලබාදීමට කටයුතු සකස් කර ඇති බව වාර්තා වේ.

කෙසේවෙතත්, මෙම නිෂ්පාදන දෙකම ව්‍යාපාරික පන්තියට සැපයීම අඛණ්ඩව සිදු කර ඇත.

කුළුබඩු වල “රජු” ලෙස හැඳින්වෙන, ශ්‍රී ලංකාවේ කළු ගම්මිරිස්වල ඉහළ පයිපරීන් අන්තර්ගතයක් ඇති අතර එය අනෙකුත් රටවල නිෂ්පාදනය කරන කුළුබඩු හා සසඳන විට උසස් තත්ත්වයක් සහ තියුණු බවක් ලබා දෙයි.

පයිපරීන් යනු ගම්මිරිස්වල කටුක, සැර රසයක් ලබාදීම සඳහා ඉවහල්වන සංයෝගයයි.

මීට පෙර ශ්‍රීලන්කන් ගුවන් සමාගම ගම්මිරිස් සහ ලුණු සපයනු ලැබුවේ ගුවන් සේවයේ ලාංඡනය සහිත කුඩා ඇසුරුම්වලිනි.

කෙසේවෙතත්, ආර්ථික පන්තියේ මගීන්ට පමණක් ලබාදෙන ආහාරවල ලුණු සහ ගම්මිරිස් ඉවත් කිරීමට ගුවන් සමාගම තීරණය කර ඇත.

මීට හේතු වී ඇත්තේ ආර්ථික පන්තියේ ගමන් කරන මගීන්ගෙන් බහුතරයක් ගම්මිරිස් සහ ලුණු භාවිත නොකරන බව අභ්‍යන්තර සමීක්ෂණයකට අනුව පෙනීයෑම බව වාර්තා වේ.

එහි ප්‍රතිඵලයක් ලෙස භාවිතයට නොගත් පැකට් අපද්‍රව්‍ය ලෙස ඉවත දැමීමට සිදුව තිබේ.

ඒ අනුව ඉහළම අපනයන අගයක් ඇති මෙම කුළුබඩුව අත්හැරීමට ගුවන් සේවය කටයුතු කර ඇත.

ඊට අමතරව ආර්ථික පන්තියේ, විශේෂයෙන් ශ්‍රී ලංකාවේ ආහාර යටතේ සපයනු ලබන ආහාරවල ලුණු සහ ගම්මිරිස් අඩංගු වන බැවින් ආර්ථික පන්තියේ යන ඕනෑම මගියකුට ලුණු සහ ගම්මිරිස් ඉල්ලුම මත ලබාදීමට පියවර ගෙන තිබේ.

ව්‍යාපාරික පන්තියේ ගමන් කරන මගීන් සඳහා ගම්මිරිස් සහ ලුණු සාමාන්‍ය පරිදිම සැපයීම සිදුකරයි.(economynext)