June 6, 2024
සෙනසුරාදා පැවැත්වෙන දිවුරුම්දීමේ උත්සවයට සහභාගි වන ලෙස ඉන්දීය අගමැති නරේන්ද්‍ර මෝදි කළ ආරාධනය ජනාධිපති රනිල් වික්‍රමසිංහ ඊයේ පිළිගෙන ඇති බව ජනාධිපති මාධ්‍ය අංශය නිකුත් කළ නිවේදනයක දැක්වේ.
භාරතීය ජනතා පක්ෂය (BJP) ප්‍රමුඛ ජාතික ප්‍රජාතන්ත්‍රවාදී සන්ධානයේ (NDA) මැතිවරණ ජයග්‍රහණයෙන් පසුව ඊයේ දුරකථන ඇමතුමකදී ජනාධිපතිවරයා ඉන්දීය අගමැතිවරයා වෙත සිය සුබ පැතුම් පිරිනැමීය.
ඔහු දේශපාලන සන්ධානයේ සාර්ථකත්වය ගැන මෙන්ම තුන්වැනි වාරය සඳහාද අගමැතිවරයාට සුබ පැතුම් පළකර ඇත.
ශ්‍රී ලංකාව සහ ඉන්දියාව අතර ශක්තිමත් ද්විපාර්ශ්වික සබඳතා ජනාධිපතිවරයා විසින් මෙහිදී සිහිපත් කර ඇති අතර, මෝදිගේ දිවුරුම් දීමේ උත්සවයට සහභාගී වන ලෙස වික්‍රමසිංහට අගමැති මෝදි විසින් කරන ලද ආරාධනයක් ද සංවාදයට ඇතුළත්ව තිබේ.
රාෂ්ට්‍රපති භවන් හි පැවැත්වීමට නියමිත දිවුරුම් දීමේ උත්සවය ගෝලීය නායකයින් සහභාගී වීමට ඉඩ ඇති අතර, ඊට සැළකිව යුතු ලෝක අවධානයක් යොමුකරනු ඇතැයි අපේක්ෂා කෙරේ.
