2025 දී නාමික දළ දේශීය නිෂ්පාදිතයෙන් ඉන්දියාව, ජපානය අභිබවා යන බවට වූ වාර්තා ටෝකියෝව කම්පනයට පත් කර ඇතැයි ජාත්‍යන්තර විශ්ලේෂකයින් උපුටා දක්වමින් විදෙස් මාධ්‍ය වාර්තා කරයි.

2010 වසර තෙක් වන තෙක් ජපානය ලෝකයේ අවිවාදිත දෙවන විශාලතම ආර්ථිකය වී තිබූ නමුත් දැන් එය පස්වන ස්ථානයට ඇද වැටීමේ අද්දර සිටියි.

අප්‍රේල් මස අගදී නිකුත් කරන ලද ඇස්තමේන්තු අනුව, ජාත්‍යන්තර මූල්‍ය අරමුදල පෙන්වා දුන්නේ, ජපානයේ අමෙරිකානු ඩොලර් ට්‍රිලියන 4.31 ඉක්මවා 2025 දී ඉන්දියාවේ නාමික දළ දේශීය නිෂ්පාදිතය අමෙරිකානු ඩොලර් ට්‍රිලියන 4.34 ක් වෙත ළඟා වනු ඇති බවයි.

COVID-19 වසංගතය සහ යුක්රේනයේ රුසියාවේ යුද්ධය තවමත් දැනෙමින් පවතින ජපානයේ ආර්ථිකයට බලපෑමක් ඇති කර තිබේ.

නමුත් අනෙකුත් දර්ශක වඩාත් උග්‍ර ගැටළුවක් පෙන්නුම් කරයි.

ආර්ථික සහයෝගිතාව සහ සංවර්ධනය සඳහා වූ සංවිධානය ගෝලීය ආර්ථික වර්ධනය සඳහා වූ ඉදිරි දැක්ම පිළිබඳ එහි නවතම වාර්තාව මැයි 2 නිකුත් කිරීමත් සමඟ ටෝකියෝවට නව පීඩනයක් එල්ල කර ඇත.

ජපානයට ඉන්දියාවේ යටිතල පහසුකම් සහ ශීඝ්‍රයෙන් වර්ධනය වන මධ්‍යම පන්තියේ ආයෝජනය සමඟ සම කළ නොහැකි වූ බව ජපානයේ ආර්ථික විශ්ලේෂකයින් පැවසීය.

ජර්මනිය ජපානය අභිබවා ගොස් ඇත්තේ පසුගිය වසර 12 තුළ යුරෝවට සාපේක්ෂව යෙන් අගය ශීඝ්‍රයෙන් පහත වැටීම මතයි.

එය සැබෑ විනිමය 40% කින් පහත වැටීමකි.

දුර්වල යෙන් යනු මේ මොහොතේ ජපන් ආන්ඩුවට ඇති ලොකුම අභියෝගය බව ද එරට ආර්ථික විශ්ලේෂකයින් පවසයි.

විසඳුම ලෙස ඔහු පෙන්වා දුන්නේ ජපාන බැංකුව දැඩි මූල්‍ය ප්‍රතිපත්තියක් අනුගමනය කිරීම සහ ඵලදායිතාව ඉහළ නැංවීම කෙරෙහි ජාතියේ අවධානය යොමු කිරීමයි.