රුසියාවේ හිටපු ශ්‍රී ලංකා තානාපති උදයංග වීරතුංග පවසන්නේ, තමන් සෝවියට් සංගමයේ විදේශ ඔත්තු සේවා සහ දේශීය ආරක්ෂක ඒජන්සියක් වන KGB හි නියෝජිතයකු බවයි.

වීරතුංග සඳහන් කරන්නේ, KGB සමඟ ඇති සබඳතා හේතුවෙන් ශ්‍රී ලංකා පාර්ලිමේන්තුව විසුරුවා හරිනු ලබන්නේ කවදාද වැනි තොරතුරු තමාට හෙළිකළ නොහැකි බවයි.

ජනමාධ්‍යවේදී චමුදිත සමරවික්‍රම සමඟ සම්මුඛ සාකච්ඡාවකට එක්වෙමින් හිටපු තානාපතිවරයා මේ බව හෙළි කළේ ශ්‍රී ලංකාවේ අභ්‍යන්තර කටයුතු තීරණය කරන්නේ රුසියානු ක්‍රියාකාරීන්දැයි විමසූ අවස්ථාවේදීය.

“රුසියානු KGB සමඟ සම්බන්ධ වූ පුද්ගලයකු ලෙස, මම මේ දේවල් ඉතා ඉක්මණින් දැනගන්නවා,” ඔහු පැවසීය.

ඔහු KGB ඔත්තුකරුවකු දැයි ඇසූ විට වීරතුංග පැවසුවේ ඔහු වරක් සෝවියට් ඔත්තු සේවයේ නියෝජිතයකු වූ බවයි.

KGB යනු 1954 සිට 1991 දී සෝවියට් සමූහාණ්ඩුව බිඳවැටෙන තෙක් එහි මූලික ආරක්ෂක සහ බුද්ධි ඒජන්සිය විය.