නාවලපිටිය ප්‍රදේශයෙන් පසුගිය අඟහරුවාදා (14) අතුරුදන් වූ දැරියන් දෙදෙනා අ.පො.ස (සා.පෙළ) විභාගය අවසන් වූ සැණින් කඩුවෙල පිහිටි ඔවුන්ගේ ඥාති නිවසකට ගොස් සිටියදී සොයාගත් බව පොලිසිය පවසයි.

මෙම තරුණියන් රැකියාවක් බලාපොරොත්තුවෙන් කොළඹට ගොස් ඇති බවපොලිසිය සඳහන් කරයි.

මෙම සිසුන් දෙදෙනා 15 වැනිදා රාත්‍රියේ කඩුවෙල ප්‍රදේශයේ ඥාති නිවසක නැවතී සිට ඇත.

අඹගමුව ජාතික පාසලේ විභාග මධ්‍යස්ථානයට පැමිණි දැරියන් දෙදෙනා ගිනිගත්හේන ප්‍රදේශයේ විභාග මධ්‍යස්ථානයක පැවැති සාමාන්‍ය පෙළ විභාගය නිමවී නිවෙස් බලා නොපැමිණීම හේතුවෙන් දැරියන් දෙදෙනාගේ භාරකරුවන් විසින් පැමිණිල්ල කර තිබිණි.