යම් අපරාධයක් සඳහා සූදානම්ව සිටි බවට සැකකරන පුද්ගලයකු විදේශයක නිෂ්පාදිත ගිනි අවියක් සමග ත්‍රිකුණාමලයේ දී අත්අඩංගුවට ගෙන තිබේ.

දීප ව්‍යාප්තව සිදු කරනු ලබන යුක්තිය මෙහෙයුමට අදාළව විශේෂ කාර්ය බළකායේ අණදෙන නිලධාරී ජේෂ්ඨ නියෝජ්‍ය පොලිස්පති නීතීඥ වරුණ ජයසුන්දරගේ නියෝග පරිදි පුලස්තිපුර පොලිස් වසමේ සුංගාවිල පුදුකුඩිරුප්පු මාර්ගයේ වෙල්යාය ප්‍රදේශයේ දී සිදුකළ වැටලීමක දී මොහු අත්අඩංගුවට ගෙන ඇත.

විදේශයක නිෂ්පාදිත, අංකය මකන ලද බෝර 12 ගිනි අවියක් නිසි බලපත්‍රයක් හෝ අවසරයකින් තොරව සන්තකයේ තබාගෙන යම් අපරාදයක් සඳහා සූදානම් ව සිටි බවට සැකකරන මෙම පුද්ගලයා එහිදී පොලිස් විශේෂ කාර්ය බළකාය විසින් අත්අඩංගුවට ගෙන තිබේ.

සැකකරු පුදුකුඩිරුප්පු පරණගම, සුංගාවිල ප්‍රදේශයේ පදිංචිකරුවෙකි.

වයස අවුරුදු 42ක් වන මෙම සැකකරු වැඩිදුර විමර්ශන කටයුතු සඳහා පුලස්තිපුර පොලිස් ස්ථානය වෙත භාර දී ඇත.