සැකකරුවන් අත්අඩංගුවට ගැනීම් සහ ඔවුන් සම්බන්ධයෙන් කටයුතු කිරීමේදී සාධාරණත්වය පිළිබඳ කනස්සල්ල මතු කර ඇති ආන්දෝලනාත්මක ‘යුක්තිය’ මෙහෙයුමට අදාළ පැමිණිලි 44 ක් විමර්ශනය කරන බව මානව හිමිකම් කොමිෂන් සභාව පවසයි.

එහි කොමසාරිස් නිමල් පුංචිහේවා පවසන්නේ, 2023 වසරේදී පොලිසියට එරෙහිව ලැබී ඇති පැමිණිලි 9,417 න් 44 ක් ‘යුක්තිය’ මෙහෙයුම තුළ සිදු වූ සිදුවීම්වලට අදාළ ඒවා බවයි.

එම මෙහෙයුම යටතේ සිදුකරන ලද අත්අඩංගුවට ගැනීම්වල නීත්‍යානුකූලභාවය සහ සාධාරණත්වය තහවුරු කර ගැනීම සඳහා මානව හිමිකම් කොමිසම විසින් ගැඹුරු විමර්ශන පවත්වනු ඇති බව ද ඔහු පවසා තිබේ.

තවද, පසුගිය වසරේදී පොලිස් අත්අඩංගුවේ සිටියදී සැකකරුවන් 24 දෙනකු මියගොස් ඇති බවත්, පසුගිය මාස දෙක තුළ අතිරේක මරණ දෙකක් වාර්තා වූ බවත් මැතිවරණ කොමිෂන් සභාවේ කොමසාරිස් නිමල් පුංචිහේවා අනාවරණ කර ඇත.

මානව හිමිකම් කොමිසම විසින් මෑතකදී නිකුත් කරන ලද ප්‍රකාශයක් මගින් ‘යුක්තිය’ මෙහෙයුමට සම්බන්ධ වධහිංසා පැමිණවීම්, කෲර ලෙස සැළකීම සහ අත්තනෝමතික අත්අඩංගුවට ගැනීම් සම්බන්ධ පැමිණිලිවල වැඩිවීමක් ඉස්මතු කර ඇති බව ද ඔහු පෙන්වා දී තිබේ.

ඒ අනුව 2023 දෙසැම්බර් 17 සිට 31 දක්වා කාලය තුළ සැකකරුවන් 20,000කට අධික පිරිසක් අත්අඩංගුවට ගෙන තිබේ.

මෙහෙයුමේ ක්‍රියාවන්වල යුක්තිය ඉටු කිරීමේදී එහි අපේක්ෂිත ඉලක්කයට පටහැනි වීමත්, එමෙන්ම “යුක්තිය” යන යෙදුම භාවිත කිරීමත් මානව හිමිකම් කොමිෂන් සභාව විසින් විවේචනය කර තිබේ.

‘යුක්තිය’ මෙහෙයුම පිළිබඳ මානව හිමිකම් කොමිසමේ විමර්ශනය සිදුකෙරෙන්නේ, මෙහෙයුම අතරතුර සිදු වූ බව කියන මානව හිමිකම් උල්ලංඝනය කිරීම් සහ අපයෝජනයන් සම්බන්ධයෙන් එල්ල වන විවේචන සහ වගවීම සඳහා වන ඉල්ලීම් මධ්‍යයේයි.