මූල්‍ය ක්ෂේත්‍රයට සම්බන්ධ සමාගමක් වන Ambeon Capital PLC හි 27.3% කොටස් ගැනුම්කරුවන් අතර මෙරට සිටි ප්‍රවීණ ක්‍රිකට් ක්‍රීඩක අරවින්ද ද සිල්වා ද වන බව වාර්තා වේ.

කොළඹ කොටස් වෙළෙඳපොළ තුළ සඳුදා දිනයේදී එහි කොටස් මිලියන 280.3ක් රුපියල් මි බිලියන 1.56කට ගනුදෙනු වී තිබිණි.

ARCASIA Investments and Trading Ltd නම් සමාගමක් විසින් කොටස් මිලියන 120ක් හෝ 12%ක කොටස් අත්පත් කර ගෙන ඇති බව වෙළඳපොළට තොරතුරු හෙළිදරව් කරමින් Ambeon Capital PLC පැවසීය.

විකුණුම්කරු වූයේ ARRC කැපිටල් ලිමිටඩ්ය.

ඔවුන් කොටස් මිලියන 274ක් ඉවත්කර තිබිණි.

2023 දෙසැම්බර් 31 වන විට, AARC සතුව කොටස් මිලියන 406.7ක් හෝ 40.5%ක කොටස් පැවතිණි.

එහි ප්‍රධාන අනුබද්ධිත ආයතනයක් වන්නේ Ambeon Holdings Capital වන අතර එය යටතේ ප්‍රමුඛතම මෘදුකාංග සමාගමක් වන MillenniumIT ESP තිබේ.

Ambeon Capital Group පාවහන්, පෝසිලේන් නිෂ්පාදනය, ආයෝජන, දේපළ, මූල්‍ය සේවා සහ තොරතුරු තාක්ෂණ සහ ඒ ආශ්‍රිත සේවාවන් සඳහා ද මේ වන විට උනන්දුවක් දක්වා ඇත.