ශ්‍රී ලංකාවට ආවේණික කණාමැදිරි විශේෂ දෙකක් සොයාගෙන තිබේ.

රුහුණු විශ්වවිද්‍යාලයේ සත්ව විද්‍යා අංශයේ ආචාර්ය ධම්මික විජේකෝන් ඇතුළු පිරිසක් විසින් මෙම සොයාගැනීම සිදුකර ඇත.

වලස්මුල්ල රම්මලේ රක්ෂිතයේ 2009 වසරේ සිට සිදුකළ පර්යේෂණවලින් මෙම කණාමැදිරි විශේෂ දෙක හඳුනාගෙන ඇති බව වෛද්‍ය විජේකෝන් පැවසීය.

මෙම විශේෂ දෙක දකුණු ආසියාවෙන් හමුවන දුර්ලභ කලාමැදිරි විශේෂයකට අයත් වන බවත්, ශ්‍රී ලංකාවෙන් ඔවුන් සොයාගත් පළමු අවස්ථාව මෙය බවත් ඔහු පැවසීය.

එක් විශේෂයක් රුහුණු විශ්වවිද්‍යාලයෙන් නම් කර ඇති අතර අනෙක් විශේෂය රම්මලේ රක්ෂිතය අනුව නම් කර ඇති බව ආචාර්ය විජේකෝන් පැවසීය.

කණාමැදිරියන් අවට පරිසරයේ පිරිසිදුකම පෙන්නුම් කරන බව ඔහු වැඩිදුරටත් ප්‍රකාශ කළේය.