ශ්‍රීලංකන් ගුවන් සේවය පිළිබඳ වගකීම් 4ක් ශ්‍රී ලංකා රජයට පැවරීමට 2024 මාර්තු 04 දිනැති ඇමැති මණ්ඩල තීරණය අනුව අනුමැතිය ලබා දී තිබේ.

ඒ අනුව

1. ලංකා බැංකුවට ගෙවිය යුතු භාණ්ඩාගාර සහතික කළ ණයවලින් ඩොලර් මිලියන 105ක්

2. ලංකා බැංකුවට ගෙවිය යුතු භාණ්ඩාගාරයේ සහතික කළ ණයවලින් රුපියල් බිලියන 12.9ක්

3. මහජන බැංකුවට ගෙවිය යුතු භාණ්ඩාගාරයේ ඇපකර ණයවලින් ඩොලර් මිලියන 105ක්

4. මහජන බැංකුවට ගෙවිය යුතු භාණ්ඩාගාරයේ සහතික කළ ණයවලින් රුපියල් බිලියන 18.5ක්

රජයට පැවරෙනු ඇත.

ඉහත කරුණු අනුව, ශ්‍රීලංකන් එයාර්ලයින්ස්හි පොත්වල ඉතිරිව ඇති සැළකිව යුතු වාරික ණය ගැනීමේ එකම අංගය වන්නේ 2019 දී නිකුත් කරන ලද අමෙරිකානු ඩොලර් මිලියන 175කට අදාළ අවුරුදු 5ක අන්තර්ජාතික බැඳුම්කරය පමණි.

2024 ජූනි මාසයේදී එය ගෙවීමට නියමිතය.

තවද, එයාර්බස් එස්ඊ සමාගමට එරෙහිව ශ්‍රීලංකන් එයාර්ලයින්ස් විසින් පවරා ඇති බේරුම්කරණ නඩුවට පක්ෂව තීන්දුවක් ලැබුණහොත් එයින් ලැබෙන ආදායම රජයට පැවරීමට ද ඇමැති මණ්ඩලය තීරණය කර ඇත.