March 11, 2024
බංග්ලාදේශයේ මහමුදුල්ලා රියාඩ් අන්තර්ජාතික ක්‍රිකට් පිටියේ එක්දින, ටෙස්ට් සහ විස්සයි20 යන ආකෘති තුනේම හැට්‍රික් පන්දු යැවීමකදී දැවීගිය පළමු ක්‍රිකට් ක්‍රීඩකයා බවට පත්ව ඇත.
ශ්‍රී ලංකාව විසින් පසුගියදා බංග්ලාදේශයට එරෙහිව පැවැති තරගයේදී මෙම වාර්තාව ඇතිවූ අතර, එහිදී නුවන් තුෂාරගේ තුන්වැනි දැවීයෑම ලෙස මහමුදුල්ලාගේ කඩුල්ල ලබාගනිමින් කඩුලු ත්‍රිත්වයක් සම්පූර්ණ කළේය.
මීට පෙර 2015 දී දකුණු අප්‍රිකාවට එරෙහිව එක්දින තරගයකදී කගීසෝ රබාඩාගේ කඩුලු ත්‍රිත්වයේ අවසන් කඩුල්ල ලෙස මහමුදුල්ලා දැවී ගියේය.
2020 දී පකිස්ථානයට එරෙහි ටෙස්ට් තරඟයකදී නසීම් ෂාගේ පන්දුවක් හමුවේ මහමුදුල්ලා කඩුලු ත්‍රිත්වයක තෙවැනි දැවීයෑම ලෙස සටහන්ව තිබේ.
මෙම අවස්ථා තුනේදීම, මහමුදුල්ලාගේ දැවීයෑම පන්දු යවන්නාගේ කඩුලු ත්‍රිත්වයේ අවසන් කඩුල්ල ලෙස වාර්තාවී ඇත.
