ධීවර කටයුතු සඳහා පසුගිය බදාදා (මාර්තු 06) කල්පිටියෙන් මුහුදු ගිය ට්‍රෝලර් යාත්‍රාවක් අතුරුදන්ව ඇති බවට කල්පිටිය පොලිසියට පැමිණිල්ලක් ලැබී තිබේ.

ඔවුන් යළි දිවයිනට නොපැමිණි බව පවසමින් ධීවර යාත්‍රාවේ හිමිකරු මෙම පැමිණිල්ල සිදුකර තිබේ.

වාර්තා වන පරිදි අදාළ යාත්‍රාවේ ශ්‍රී ලාංකික ධීවරයන් තිදෙනෙකු සිට ඇත.

ඔවුන් අවුරුදු 21, 37 සහ 38 යන වයස්වල පසුවන බවත් ඉච්චන්කඩුව ප්‍රදේශයේ පදිංචිකරුවන් බවටත් හඳුනාගෙන ඇත.

කල්පිටියේ පිහිටි ශ්‍රී ලංකා නාවික හමුදා කඳවුරට දැනුම් දීමෙන් පසු සෝදිසි මෙහෙයුමක් ආරම්භ කළ බව පොලිසිය පවසයි.