මෙරටදී පැවැත්වීමට නියමිත ලෙජන්ඩ්ස් ක්‍රිකට් කුසලානයේ විචිත්‍රවත් සමාරම්භක උත්සවය සඳහා ක්‍රිකට් ලෝකය මහත් උනන්දුවෙන් බලා සිටියි.

සමාරම්භක උත්සවය ක්‍රිකට් ක්‍රීඩාවේ විශිෂ්ටත්වය සහ විනෝදාස්වාදය පිළිබඳ සුවිශේෂී සැමරුමක් වනු ඇති බවට විශ්වාස කෙරේ.

මෙම උත්සවයට ක්‍රිකට් ලෝකයේ නමක් දිනු පුරාවෘත්ත බඳු ක්‍රීඩකයන් සහභාගී වනු ඇති සේම උත්සවය අලංකාර කිරීමට සඳහා විනෝදාස්වාද ක්‍ෂේත්‍රයේ කීර්තිමත් තරු රංගනයන් ඉදිරිපත් කරනු ඇත.

සංජේ දත්, බාද්ෂා, ඉම්රාන් හෂ්මි සහ ජැකලින් ෆර්නැන්ඩස් වැනි තරු පැමිණීමට නියමිත මෙම උත්සවයට අද්විතීය මානයක් එක් කරමින් ඔවුන් සිය රැඟුම්වලින් උත්සවය ආලෝකවත් කිරීමට නියමිතය.

දින 11ක් පුරා පැවැත්වෙන මෙම ක්‍රියාදාමයෙන් පිරුණු තරඟාවලියේ දී ක්‍රිස් ගේල්, යුවරාජ් සිං සහ හර්බජාන් සිං ඇතුළු අතීතයේ සිටි දැවැන්තම ක්‍රිකට් තරු කිහිපයක් ද දැක ගැනීමට හැකිවනු ඇත.

මෙම ඉසව්ව පන්දු 90 නව ආකෘතියේ තරඟවලින් සමන්විත වන අතර එය ප්‍රිය කරන ක්‍රීඩකයන් යළිත් ක්‍රිකට් ක්‍රීඩාවේ විශිෂ්ටත්වය සමරනු ඇත.

සමාරම්භක උත්සවයට පෙර අදහස් දක්වමින් ලෙජන්ඩ්ස් ක්‍රිකට් කුසලානයේ අධ්‍යක්ෂ ෂවේන් ෂර්මා පැවසුවේ, මෙතරම් තරු රැසක් සමාරම්භක උළෙල සඳහා ශ්‍රී ලංකාවට පැමිණීම තුළින්ම ලෙජන්ඩ්ස් ක්‍රිකට් කුසලානය ලබා ඇති ජනප්‍රියත්වය පෙන්නුම් කරන බවයි.

මහනුවර පල්ලකැලේ ක්‍රීඩාංගණයේ පැවැත්වෙන පන්දුවාර 90 තරඟ සඳහා කණ්ඩායම්වලට පන්දු යවන්නන් 5 දෙනෙකු යෙදවීමට නියමිතය.

60 වැනි පන්දුවේදී පන්දුවාර 4ක් යැවීමට එක් පන්දු යවන්නකු තෝරා ගැනීම ප්‍රබෝධය තවත් වැඩි කරන සහ දෙපිලටම උපාය මාර්ගික පෙරළියක් ලබා දෙනු ඇත.

පවර් ප්ලේ නීති සමඟ තීව්‍රතාව වැඩි වනු ඇති අතර උපාය මාර්ගික කාල සීමා ලබාදීම උපාය මාර්ගික සැලසුම් සඳහා අවකාශය සපයනු ඇත.

ලෙජන්ඩ්ස් ක්‍රිකට් කුසලානය පසුගියදා එහි ප්‍රධාන අනුග්‍රාහකයා ලෙස MagicWinSports වෙත සම්බන්ධ විය.

එය තරඟාවලිය ශක්තිමත් කිරීමට සහ වඩාත් ජනප්‍රිය කිරීමට හේතු වනු ඇත.