March 7, 2024
ආහාර ආශ්‍රිත සෞඛ්‍ය නීති උල්ලංඝනය කිරීම් සහ ආපනශාලා පවත්වාගෙන යෑම සඳහා සහනදායි මිල ගණන් යටතේ ලබාදී ඇති පහසුකම් අනිසි ලෙස භාවිත කිරීම යන කරුණු සඳහන් කරමින් ගාලුමුවදොර ඇවිදින මංතීරුවේ අනවසර ආහාර අලෙවි කරන්නන් සහ ආපනශාලා පරිශ්‍රයෙන් ඉවත්කිරීමට උපදෙස් දී තිබේ.
ගාලු මුවදොර පිටියේ පරිපාලනයට වගකියන ශ්‍රී ලංකා වරාය අධිකාරියට අනුබද්ධ ශ්‍රී ලංකා වරාය කළමනාකරණ සහ උපදේශන සේවා පෞද්ගලික සමාගම මහජන සෞඛ්‍ය බලධාරීන් සමඟ එක්ව අවසාන පියවරක් ලෙස මෙම දැනුම් දීම සිදුකර තිබේ.
ශ්‍රී ලංකා වරාය කළමනාකරණ සහ උපදේශන සේවා පෞද්ගලික සමාගමේ ප්‍රධාන විධායක නිලධාරී සුරාජ් කතුරුසිංහ සඳහන් කළේ සෞඛ්‍ය නීති උල්ලංඝනය කිරීම් සහ ඇවිදින මංතීරුවේ සුන්දරත්වය නැතිවීම ගැන සඳහන් කරමින්, අවසාන පියවරක් ලෙස අනවසර ආහාර අලෙවිකරුවන්ට සහ ආපනශාලාවලට ගාලු මුවදොර පරිශ්‍රයෙන් ඉවත් වන ලෙසට දැනුම් දී ඇති බවයි.
මෙම ස්ථානය විදේශිකයන්ට සහ දේශීය පුරවැසියන්ට, විශේෂයෙන් කාන්තාවන්ට සහ ළමයින්ට අඩු ආකර්ශනීය ස්ථානයක් බවට පත් කිරීමට අනවසර වෙළෙන්දන් වගකිව යුතු බව බව ද කතුරුසිංහ කියා සිටියේය.
නෙරපා හැරීමේ දැන්වීමේ අවසාන දිනය සහ එය බලාත්මක කරන්නේ කවදාද යන්න පිළිබඳ ඔහු ප්‍රකාශ නැත.
මුහුදු වෙරළේ ඇවිදින මංතීරුවේ සිටින වෙළෙඳුන්ට හරිත බැම්ම යට පිහිටුවා ඇති ස්ථිර වෙළඳ කුටි 62ක් සහන මිලට ලබා දී මෙම වෙළෙන්දන් ප්‍රමිතිගත කිරීමට සහ නියාමනය කිරීමට උත්සාහ කළ බව ද කතුරුසිංහ ප්‍රකාශ කළේය.
කෙසේවෙතත්, ඔහු කියා සිටියේ මෙම විකල්පයන් වෙළෙන්දන් විසින් අනිසි ලෙස භාවිත කර ඇති බවයි.
එක් වෙළෙන්දකු වෙළඳ කුටි පහක් මිලදී ගෙන ඇති නමුත් එකක් පමණක් පවත්වාගෙන ගිය අවස්ථාවක් ද ඔහු සඳහන් කළේය.
මීට අමතරව, කතුරුසිංහ කියා සිටියේ, කොළඹ මහ නගර සභාව විසින් වෙන් කර ඇති වාහන නැවැත්වීමේ ස්ථාන කළමනාකරණය කිරීම සඳහා කොන්ත්‍රාත්තු ලබා ගත් පාර්ශ්ව හරිතාගාරයට යාබද වාහන නැවැත්වීමේ ස්ථාන ආපනශාලා පිහිටුවීම සඳහා නීති විරෝධී ලෙස ලබා දීම නිසා මෙම ගැටලුව උග්‍ර වූ බවයි.
එය බැම්මට යටින් පිහිටුවා ඇති ස්ථිර වෙළෙඳ කුටි වෙත ප්‍රවේශ වීම ජනතාව අධෛර්යමත් කරන බව නිරීක්ෂණය වී තිබේ.
කතුරුසිංහ කියා සිටියේ, නිදහස් දින පෙළපාලිය සඳහා ගාලුමුවදොර පිටිය එළිපෙහෙළි කිරීමට සමගාමීව, හැකි සෑම පියවරක්ම අවසන් කිරීමෙන් පසු, වෙළදුන් ඉවත් කිරීමේ දැන්වීම අවසන් පියවරක් ලෙස ගත් පියවරක් බවයි. .
මේ අතර, මේ සම්බන්ධයෙන් පොලිස් මාධ්‍ය ප්‍රකාශක, නියෝජ්‍ය පොලිස්පති සහ නීතීඥ නිහාල් තල්දූවගෙන් කළ ප්‍රශ්න කිරීම්වලදී කියා සිටියේ මෙම අනවසර වෙළෙන්දන් සහ ආපනශාලා ඉවත් කිරීමට මැදිහත් වන ලෙස හෝ සහය වන ලෙස වරාය අධිකාරියෙන් ඉල්ලීමක් සිදු නොවූ බවත්, පොලීසිය මේ දක්වා එම කාරණයට සම්බන්ධ වී නොමැති බවයි.
කෙසේවෙතත් එළඹෙන රාමසාන් මාසය වෙළෙඳුන්ගේ වඩාත්ම ලාභදායී සමය බැවින් මෙම තීරණය ඔවුන්ගේ ආදායම් අහිමිවීමට හේතු වන බවට ද මත පළ වී තිබේ.
