බංගලාදේශ සංචාරයට සහභාගි වීමට නොහැකිව අසනීප තත්ත්වයෙන් පෙළෙන බව කියන කුසල් ජනිත් පෙරේරා වෙනුවට නිරෝෂන් දික්වැල්ල ශ්‍රී ලංකා විස්සයි විස්ස සංචිතයට කැඳවීමට පසුගිය සතියේ පියවර ගැනිණි .

අපකීර්තියට පත්ව සිටින එම කඩුලු රකින පිතිකරුවා තේරීම සම්බන්ධයෙන් එතැන් පටන් ප්‍රධාන තේරීම් කමිටු සභාපති උපුල් තරංග දැඩි විවේචනයට ලක්ව සිටියි.

දේශීය තරඟාවලිවල ලකුණු අඩුවෙන් ලබා සිටින ෂෙවෝන් ඩැනියෙල් සහ ලසිත් කෘස්පුල්ලේ වැනි දක්ෂයන් වෙනුවට මෙම වමත් ආරම්භක පිතිකරුවා තෝරා ගැනීමට උපුල් තරංග පැහැදිලිවම හේතු දක්වා තිබුණ ද සාමාන්‍ය ජනතාව සහ මාධ්‍ය දැනටමත් ඔහුට එරෙහිව අදහස් දක්වා තිබේ.

වනිඳු හසරංගගේ නායකත්වය යටතේ ශ්‍රී ලංකා පිලේ නව කණ්ඩායම් සංයුතිය අනුව ශ්‍රී ලංකා කණ්ඩායමට ඇන්ජලෝ මැතිව්ස් සහ දසුන් ශානක යන වේග පන්දු යවන තුන් ඉරියව් ක්‍රීඩකයන් දෙදෙනෙකු සිටින අතර ඇෆ්ගනිස්තානයට එරෙහිව පැවති පසුගිය විස්සයි විස්ස අන්තර්ජාතික තරගයේදී  ශ්‍රී ලංකාව ගලවාගැනීමට කටයුතු කළ කමිඳු මෙන්ඩිස් ඇතුළත්ව සිටියි.

ඒ අනුව දික්වැල්ලට ක්‍රීඩා කරන ක්‍රීඩකයන් 11 දෙනා අතර ස්ථානයක් වෙන්වීමට ඉඩක් නැති වුවද සැබෑ ප්‍රශ්නය නම්, ඔහුට සංචිතයේ සිටීමට අවස්ථාවක් ලැබීමට සුදුසු නැතිද යන්නයි.

දික්වැල්ල සිය අවසන් ඉනිම් පහේදී අර්ධ ශතක 2ක් සමගින් ලකුණු 183ක් ලබාගෙන ඇති අතර ඔහු තේරීමට එක් හේතුවක් ලෙස තේරීම් කමිටුව පැහැදිළිව ප්‍රකාශ කර තිබුණේ එම කරුණයි.

ෂෙවෝන් ඩැනියෙල්, ලසිත් කෘස්පුල්ලේ සහ නුවනිදු ප්‍රනාන්දු දක්ෂ යොවුන් ක්‍රිකට් ක්‍රීඩකයන් වුවත් පසුගිය කාලයේ ඔවුන් ලකුණු අතර සිටියේ නැත.

භානුක රාජපක්ෂ යනු බොහෝ ශ්‍රී ලාංකික ආධාරකරුවන් ව්‍යාකූල කරන තවත් නමකි.

තරමක් තරබාරු මෙම වමත් ක්‍රීඩකයා වසර කිහිපයකට පෙර පකිස්ථානයට එරෙහිව පැවති ආසියානු කුසලාන අවසන් මහා තරඟයේදී ක්‍රීඩා කළ ආකාරය හේතුවෙන් තවමත් ශ්‍රී ලංකා ක්‍රීඩා ලෝලීන්ගේ ප්‍රියතම ක්‍රීඩකයකුව සිටියි.

කෙසේවෙතත් ඔහු පසුගිය කාලය තුළ ලීග් ක්‍රිකට් තරගවලදී එතරම් දක්ෂතා දැක්වූයේ නැත.

ඒ අනුව දක්ෂතා දැක්වීම මත පදනම්ව බැලීමේදී උපුල් තරංග නිවැරදි තීරණය ගනු ලැබුවා විය හැකිය.

කෙසේවෙතත්, බොහෝ අය වැඩිපුරම ප්‍රශ්න කර ඇත්තේ දික්වැල්ලගේ විනයයි.

දික්වැල්ලට ඔහුගේ ක්‍රිකට් දිවිය පුරාම විනය සම්බන්ධ ගැටලු ඇති වී තිබෙන අතර, ශ්‍රී ලංකාව ඉතා අසීරු තරග සංචාරයක යෙදී සිටි අවධියක එංගලන්ත තරගාවලියේදී කුසල් මෙන්ඩිස් සහ ධනුෂ්ක ගුණතිලක සමඟ එක්ව, කොවිඩ් සමයේ ක්‍රියාත්මක් වූ ජෛව බුබුල ඩර්හැම්හි බිඳ දැමීම වඩාත් කතාබහට ලක්විය.

එහිදී මෙම තිදෙනාට මුලින්ම වසර දෙකක තහනමක් පැනවූ අතර පසුව එය අඩු කිරීමට පියවර ගැනිණි.

එතැන් සිට දික්වැල්ල වැරදිවලට අදාළ වන සිරස්තලවලින් වැළකුණත් දික්වැල්ල දික්වැල්ලම වනු ඇත.

එහෙත්, ඔහු අනෙකුත් සියලුම දේශීය ක්‍රිකට් ක්‍රීඩකයන් මෙන්, ලකුණු රැස්කරමින් තමාට අවස්ථාවක් ලබාගෙන ඇති අතර, එබැවින් දක්ෂතා අතර සිටින ක්‍රීඩකයකුට සහාය දැක්වීමට උපුල් තරංග ගත් තීරණය පක්ෂග්‍රාහී ලෙස සැළකිය නොහැක.

කුසල් ජනිත් පෙරේරාගේ තත්ත්වය හමුවේ දික්වැල්ල වාසනාවන්ත වූවා විය හැකිය.

අසාර්ථක වීමට පෙර යමෙකු කුරුසියේ ඇණ ගැසීම එතරම් පරිණත ක්‍රියාවක් ද නොවේ.

ජීවිතයේ සෑම කෙනෙකුටම දෙවැනි අවස්ථාවක් ලැබිය යුතු නමුත් එය සැමවිටම සාර්ථක නොවේ.

නිදසුනක් වශයෙන්, වසර කිහිපයකට පෙර 6,900,000කට වැඩි පිරිසක් දෙවැනි අවස්ථාව විශ්වාස කළ බව පෙනී ගියේය.

දැන් සිතිය හැකි වන්නේ රාජපක්ෂලාට වඩා දික්වැල්ල යහපතක් කරනු ඇති බවයි.