කථානායක මහින්ද යාපා අබේවර්ධනට එරෙහිව විපක්ෂය විසින් ගෙන ඒමට නියමිත විශ්වාසභංග යෝජනාවට ජාතික ජන බලවේගය සහය ලබාදෙන බව හිටපු පාර්ලිමේන්තු මන්ත්‍රී වෛද්‍ය නලින්ද ජයතිස්ස පවසයි.

මෙම විශ්වාසභංගය පාර්ලිමේන්තුව තුළ කථානායකවරයාගේ හැසිරීම සම්බන්ධයෙන් හෝ ඔහු විපක්ෂයට දක්වන ප්‍රතිචාරයට එරෙහිව නොවන බවත්, ආණ්ඩුක්‍රම ව්‍යවස්ථාමය කරුණක් සම්බන්ධයෙන් වන බවත් ප්‍රවෘත්ති සාකච්ඡාවකට එක්වෙමින් මන්ත්‍රීවරයා සදහන් කළේය.

නීතිපතිවරයා විසින් නිර්දේශ කරන ලද මාර්ගගත(ඔන්ලයින්) ආරක්ෂණ පනත් කෙටුම්පතේ සංශෝධන කාරක සභා අවස්ථාවට ඇතුළත් කර නොමැති බවත්, යෝජිත සියලුම සංශෝධන ඇතුළත් කිරීමට කථානායකවරයා සහ ඔහුගේ කාර්ය මණ්ඩලය සහතික කිරීමට අපේක්ෂා කරන බවත් ඔහු පවසයි.

එය පාර්ලිමේන්තු සම්ප්‍රදායන් උල්ලංඝනය කිරීමක් බව මන්ත්‍රීවරයා වැඩිදුරටත් පෙන්වා දී තිබේ.

ඒ අනුව, කථානායකවරයාට එරෙහි විශ්වාසභංග යෝජනාව සාධාරණ බව හෙතෙම සදහන් කරයි.