යාපනයේ ස්ථාන 20 කින් පාපැදි විශාල සංඛ්‍යාවක් සොරකම් කළ වයෝවෘද්ධ පුද්ගලයකු හඳුනාගැනීම සඳහා යාපනය පොලිසිය සිකුරාදා මහජන සහය ඉල්ලා සිටියේය.

පාපැදි අතුරුදන්වීම සම්බන්ධයෙන් පසුගිය සති කිහිපය තුළ පොලිසියට පැමිණිලි විශාල සංඛ්‍යාවක් ලැබිණි.

පාපැදි රැගෙන ගිය ස්ථාන කිහිපයක සීසීටීවී දර්ශන අධ්‍යයනය කිරීමේදී මෙම සොරකම් පිටුපස වයෝවෘද්ධ පුද්ගලයකු සිටින බව පොලිසියට පෙනීගියේය.

සැකකරුගේ වයස අවුරුදු 70ක් පමණ වන බවයි පොලිසිය පැවසුවේ.

පොලිසියට අනුව සැකකරු මීට පෙර දන්නා අපරාධකරුවකු නොවන අතර ඔහු මෙතෙක් හඳුනාගැනීමට අපොහොසත් වී ඇත.

එබැවින් ඔහු හඳුනාගැනීමට සහ සොයාගැනීමට පොලිසිය මහජන සහාය පතයි.