February 14, 2024
සයිබර් ඔත්තු බැලීම සම්බන්ධයෙන් චීනයට චෝදනා එල්ල වී තිබේ.
පිලිපීනය, නෙදර්ලන්තය සහ එක්සත් ජනපදය ඇතුළු රටවල් කිහිපයක් චීන ආයතනවලින් සයිබර් ප්‍රහාරයන් වාර්තා කර ඇත.
මෙම චෝදනාවලට ප්‍රතිචාර වශයෙන් නෙදර්ලන්තයේ චීන තානාපති කාර්යාලය සයිබර් ප්‍රහාර සඳහා කිසිදු සම්බන්ධයක් නොමැති බව ප්‍රතික්ෂේප කරමින් නිවේදනයක් නිකුත් කර තිබේ.
තානාපති කාර්යාලය නීතිවිරෝධී ක්‍රියාකාරකම්වලට එරෙහිව චීනයේ ස්ථාවරය අවධාරණය කර ඇති අතර, සයිබර් ආරක්ෂාව තහවුරු කිරීම සඳහා සහයෝගීතාවද ඉල්ලා ඇත.
එක්සත් ජනපද ආරක්ෂක දෙපාර්තමේන්තුව සදහන් කරන්නේ, එරට රාජ්‍ය පද්ධති ඉලක්ක කරගත් චීනයේ හැකර්වරුන් ආරක්ෂක, යටිතල පහසුකම් සහ පර්යේෂණ ආයතනවලින් සංවේදී තොරතුරු සොරකම් කරන බවයි.
දෙපාර්තමේන්තුව සිය වාර්තාව 2023 ඔක්තෝම්බර් මාසයේදී කොන්ග්‍රසයට ලබා දුන් අතර, එහි ප්‍රහාර ආර්ථික හා මිලිටරි වාසි සහ සයිබර් ප්‍රහාර සූදානම සඳහා සැලසුම් කර ඇති ඒවා ලෙස විස්තර කරමින් දක්වා ඇත.
එම දෙපාර්තමේන්තුව 2022 කාලය තුළ චීනයේ හමුදා සහ ආරක්ෂක ක්‍රියාකාරකම්ද සමාලෝචනය කර තිබේ.
සයිබර් මෙහෙයුම් තුළ බොහෝ විට අපරාධකරුවන්ගේ අනන්‍යතාවය සැඟවීමට නවීන තාක්ෂණික ක්‍රම ඇතුළත් වන අතර, ප්‍රහාර නිශ්චිතව හදුනා ගැනීම අපහසු වේ.
මෙම අභියෝගය මගින් සයිබර් තර්ජන විමර්ශනය කිරීමේදී ශක්තිමත් සයිබර් ආරක්ෂණ හැකියාවන් සහ අන්තර්ජාතික සහයෝගීතාවයේ වැදගත්කම එම දෙපාර්තමේන්තුව අවධාරනය කර තිබේ.
