‘යුක්තිය’ මෙහෙයුමට සමාගාමීව වෙන්නප්පුව පොලිස් ස්ථානය මගින් සිදුකරන ලද වැටලීමකදී ත්‍රිරෝද රථයකින් හෙරොයින් ග්‍රෑම් 21ක් ප්‍රවාහනය කළ විවාහක යුවළක් අත්අඩංගුවට ගෙන තිබේ.

අත්අඩංගුවට ගත් සැකකරු කජුලන්ද වත්ත, මාරවිට, දඹදෙණිය ලිපිනයේ පදිංචි සංජීව සමන් කුමාර නම් 31 හැවිරිදි අයකු වන අතර, සැකකරුගේ බිරිඳ මාහවඩුගේ සන්දීපනී නිලූෂා නමැති 28 හැවිරිදි අයෙකි.

අංක NW YY 6697 දරන ත්‍රිරෝද රථයෙන් හෙරොයින් ප්‍රවාහනනය කරමින් සිටියදී ඔවුන් මෙලෙස අත්අඩංගුවට පත්ව ඇත.

අත්අඩංගුවට ගන්නා අවස්ථාවේදී සැකකාර කාන්තාව විසින් හෙරොයින් ග්‍රෑම් 01ක ප්‍රමාණයේ මත්ද්‍රව්‍ය ගුලි 02ක් ගිල දමා ඇති බවට අනාවරණ වීමෙන් පසුව සැකකාරිය මාරවිල අධිකරණ වෛද්‍යවරයා වෙත ඉදිරිපත් කෙරිණි.

පසුව මාරවිල රෝහලට ඇතුළත් කෙරුණු අතර කාන්තාව විසින් ගිල දමන ලද හෙරෝයින් ග්‍රෑම් 01ක ගුලි 02ක රෝහලේදී සොයා ගෙන ඇත.

අත්අඩංගුවට ගත් සැකකරු සහ කාන්තාව සමබන්ධයෙන් දින 07ක රැදවුම් නියෝග මත වෙන්නප්පුව පොලිස් ස්ථානය මගින් වැඩිදුර විමර්ශන සිදුකරනු ලබයි.