ශ්‍රී ලංකා ක්‍රිකට් හිටපු පරිපාලක අභාවප්‍රාප්ත ට්‍රෙවර් රාජරත්නම්ට උපහාර දැක්වීම සඳහා ඇෆ්ගනිස්තානයට එරෙහි තුන්වැනි එක්දින තරඟය සඳහා සහභාගී වන ශ්‍රී ලංකා ජාතික ක්‍රිකට් ක්‍රීඩකයන් අත්වල කළු පටි පැළඳ සිටිති.

ශ්‍රී ලංකා ක්‍රිකට් ආයතනයේ හිටපු උප සභාපතිවරයකු වූ රාජරත්නම් එහි භාණ්ඩාගාරික ලෙසද කටයුතු කළේය.

ශ්‍රී ලංකා ක්‍රිකට් ආයතනය ජනමාධ්‍ය නිවේදනයක් නිකුත් කරමින් කියා සිටියේ, ශ්‍රී ලංකා ක්‍රිකට් ක්‍රීඩාව වෙනුවෙන් ඔහු කළ වටිනා සේවය වෙනුවෙන් ශ්‍රී ලංකා ක්‍රිකට් සහෝදරත්වය ඔහුට ණයගැති බවයි.

“මෙම ශෝකජනක මොහොතේ ට්‍රෙවර්ගේ පවුලේ අයට, මිතුරන්ට සහ ඥාතීන්ට අපගේ ශෝකය ප්‍රකාශ කිරීමට අපි කැමැත්තෙමු” යනුවෙන් ද එම ප්‍රකාශයේ සඳහන් වේ.