ජාතික පශු සම්පත් සංවර්ධන මණ්ඩලය සතු ගොවිපළවල් පරීක්ෂා කිරීම සඳහා ඉන්දියාවේ අමුල් සමාගමේ නියෝජිත පිරිසක් ශ්‍රී ලංකාවට පැමිණ තිබේ.

ඊයේ ආරම්භ වූ මෙම පරීක්‍ෂණ, අදාළ ගොවිපොළවල් ‘අමුල්’ වෙත බදුදීමට පෙර කරනු ලබන මූලික තක්සේරුවක කොටසකි.

ජාතික පශු සම්පත් සංවර්ධන මණ්ඩලයට අක්කර 28,000කට අධික භූමි ප්‍රමාණයකින් යුත් ගොවිපළ 31ක් අයත් වේ.

බදුදීමේ ක්‍රියාවලියේ කොටසක් ලෙස, මණ්ඩලය විසින් ගොවිපලවල වටිනාකම තක්සේරු කිරීමක් ආරම්භ කර ඇත.

මෙම ඉඩම් වටිනාකම තක්සේරු කිරීම්වලින් ආසන්න වශයෙන් සියයට 80ක් පමණ මේ වන විට අවසන් කර තිබේ.

ඉඩම්වලට අමතරව සත්ව නිෂ්පාදන හා සෞඛ්‍ය දෙපාර්තුමේන්තුව විසින් මෙම ගොවිපළවල වෙසෙන සතුන්ගේ වටිනාකමද තක්සේරු කර ඇත.

මෙම වාර්තාව ජනාධිපති කාර්යාලය වෙත ඉදිරිපත් කර ඇති බව ජාතික පශු සම්පත් සංවර්ධන මණ්ඩලය තහවුරු කර තිබේ.

මෙම වර්ධනය සිදුවන්නේ, ශ්‍රී ලංකාවේ දියර කිරි කර්මාන්තය ප්‍රවර්ධනය කිරීමේ අරමුණින් ඉන්දියාව සහ ශ්‍රී ලංකාව අතර මෑතකාලීන ගිවිසුමකට අනුවය.

ගිවිසුමට අනුව, ජාතික පශු සම්පත් සංවර්ධන මණ්ඩලය සතු ගොවිපළ ඉන්දියාවේ අමුල් සමාගමට බදුදීමට සැලසුම් කර ඇත.

කෙසේවෙතත්, මෙම පියවරයන් සඳහා මතභේද නතුවම නොවේ.

ජාතික පශු සම්පත් සංවර්ධන මණ්ඩලයට අයත් ගොවිපළවල් ඉන්දියාවට බදු දීමට යෝජනා කිරීමට එරෙහිව ශ්‍රී ලංකාවේ කිරි ගොවීන් පසුගිය මාස කිහිපය තුළ විරෝධතා කිහිපයක් පවත්වා තිබේ.