ඉන්දීය හිටපු අගමැති රජීව් ගාන්ධිගේ ඝාතනය සම්බන්ධයෙන් මරණීය දණ්ඩනය නියමවී සිටිය දී ඉන්දියානු අධිකරණය මගින් නිදහස් කළ සාන්තන් නමැත්තා ලංකාවට රැගෙන ඒමට ධීවර ඇමැති ඩග්ලස් දේවානන්දා පියවර ගනිමින් සිටින බව වාර්තා වේ.

සාන්තන් යාපනයේ පදිංචිකරුවකු වන අතර, ඔහුගේ මව සහ සහෝදරයන් යාපනයේදී ඇමැතිවරයාගෙන් කළ ඉල්ලීම මත ඉන්දීය රජය සමග සාකච්ඡා කර ඔහු මෙරටට ගෙන්වීම සඳහා අවශ්‍ය පියවර ගන්නා බවට ඇමැතිවරයා සාන්තන්ගේ ඥාතීන්ට පවසා තිබේ.

අධිකරණය මගින් නිදහස් කෙරුණු ඔහු දැනට රෝගී තත්ත්වයක් හේතුවෙන් ඉන්දීය රෝහලක ප්‍රතිකාර ලබන බවට ඥාතීන් සඳහන් කර ඇත.(දිවයින)