ඉන්දියාවේ ලෝක් සභා මැතිවරණයට මාස කිහිපයක් පමණක් ඉතිරිව තිබියදී දකුණු ඉන්දීය සුපිරි නළු තලපති විජේ සිය දේශපාලන පක්ෂය ‘Tamilaga Vettri Kazhagam’ යන නමින් ප්‍රකාශයට පත්කර තිබේ.

මැතිවරණ කොමිසමේ අනුමැතිය ලැබීමෙන් පසු, ප්‍රතිපත්ති සහ ක්‍රියාකාරී සැලසුම් ඉදිරිපත් කර, කොඩියක් සහ පක්ෂ ලකුණක් හඳුන්වා දී මහජන රැස්වීම් හා උත්සව පැවැත්වීමට පක්ෂය සැලසුම් කරන බවද හෙතෙම සඳහන් කර ඇත.

මේ පිළිබදව නිවේදනයක් නිකුත් කරමින් ඉන්දීය නළු තලපති විජේ මෙසේද පවසා තිබේ.

“අපගේ පක්ෂය ‘Tamilaga Vettri Kazhagam’ ලියාපදිංචි කිරීම සඳහා අපි අද මැතිවරණ කොමිසමට අයදුම්පතක් ඉදිරිපත් කරනවා. අපගේ ඉලක්කය එළඹෙන 2026 පාර්ලිමේන්තු මැතිවරණයට තරඟ කර ජයග්‍රහණය කර, ජනතාව අපේක්ෂා කරන මූලික දේශපාලන වෙනසක් ඇති කිරීමයි. දේශපාලනය මට තවත් වෘත්තියක් පමණක් නොවේ. එය පූජනීය මිනිසුන්ගේ කාර්යයක්. මම බොහෝ කාලයක් තිස්සේ ඒ සඳහා සූදානම් වෙමින් සිටිමි. දේශපාලනය මට විනෝදාංශයක් නොවේ. ඒක තමයි මගේ ගැඹුරුම ආශාව. මට ඒකට සම්පූර්ණයෙන්ම සම්බන්ධ වෙන්න ඕන. වර්තමාන දේශපාලන වාතාවරණය ඔබ සියලුදෙනා දන්නවා. එක පැත්තකින් පරිපාලන අක්‍රමිකතා සහ දූෂිත දේශපාලන සංස්කෘතිය. තවත් පැත්තකින් අපේ ජනතාව කුල හා ආගම් වශයෙන් බෙදීමට වෙරදරන බෙදුම්වාදී දේශපාලන සංස්කෘතියක්. විශේෂයෙන්ම තමිල්නාඩුවේ සෑමදෙනාම අපේක්ෂා කරන්නේ පරාර්ථකාමී, විනිවිද පෙනෙන, කුලයෙන් තොර, දූරදර්ශී, දූෂණයෙන් තොර සහ කාර්යක්ෂම පරිපාලනයකට මඟ පෑදිය හැකි මූලික දේශපාලන වෙනසක්”