ප්‍රකට ව්‍යාපාරික ඩඩ්ලි සිරිසේනගේ නවතම හෝටල් ව්‍යාපෘතිය වන උණවටුනේ ඉදිකෙරෙන අරලිය ගෝල්ඩන් බීච් හෝටලය වෙනුවෙන් ලංකා ආයෝජන මණ්ඩලයේ සමඟ ඊයේ (30) දින ගිවිසුම් අත්සන් කර තිබේ.

මේ සම්බන්ධයෙන් ෆේස්බුක් සටහනක් තබමින් ඩඩ්ලි සිරිසේන පවසා ඇත්තේ, මෙය ඇමරිකානු ඩොලර් මිලියන 8.9 ක ආයෝජනයක් බවයි.

මෙමඟින් ලංකාවේ සංචාරක ක්ෂේත්‍රය තවදුරටත් ප්‍රවර්ධනය කරමින් රට තුළ නව සෘජු හා වක්‍ර රැකියා ප්‍රමාණයක් බිහිකරමින් ආර්ථිකයේ ප්‍රසාරණයට දායක වීම සිය එකම අරමුණ බවත් හෙතෙම පවසා ඇත.