ශ්‍රී ලංකාවේ ඉන්දීය මහකොමසාරිස් සන්තෝෂ් ජා පසුගිය ඉරිදා වාද්දුව රාජගුරු ශ්‍රී සුබුති විහාරස්ථානයේ අශෝක රජුගේ ‘ධර්ම ස්ථම්භය’ ඉදිකිරීම සඳහා මුල්ගල තැබීය.

“ගැඹුරු සංස්කෘතික බැඳීම ශක්තිමත් කිරීම ! පූජනීය රාජගුරු ශ්‍රී සුභූති වස්කඩුව මහා විහාරයේ අශෝක රජුගේ ධර්ම ස්ථම්භය ඉදිකිරීම සඳහා මහකොමසාරිස්වරයා මුල්ගල තැබුවේය. ඔහු විහාරස්ථානයේ ශ්‍රී සර්වඥ ධාතූන් වහන්සේ වෙත ද උපහාර දැක්වීය,” යැයි ශ්‍රී ලංකාවේ ඉන්දියානු මහ කොමසාරිස් කාර්යාලයේ නිල ‘X’ පිටුවේ සටහන් කර ඇත.

එම නිවේදනයට අනුව මෙලෙස ඉදිවන්නේ මෙරට පළමු අශෝක ස්ථම්භයයි.

මෙම උත්සවය ඉන්දියාව සහ ශ්‍රී ලංකාව අතර සංස්කෘතික හා අධ්‍යාත්මික සබඳතාවන්හි වැදගත් අවස්ථාවක් සනිටුහන් කළේය.

මහකොමසාරිස් ජා හැරුණු විට, අන්තර්ජාතික බෞද්ධ සම්මේලනයේ (IBC) මහලේකම් Shartse Khensur Jangchup Choeden Rinpoche ද උත්සවයට සහභාගී විය.

විහාරාධිපති වස්කඩුවේ මහින්දවංශ මහා නාහිමිපාණන් වහන්සේ විසින් මෙම උත්සවය අමතමින් අනුශාසනාවක් සිදුකළහ.

මුල්ගල් තැබීමේ උත්සවයෙන් අනතුරුව ආරාධිතයෝ කපිලවස්තු සර්වඥ ධාතූන් වහන්සේ තැන්පත් කර ඇති ස්ථානය වෙත ගොස් සම්ප්‍රදායික චාරිත්‍ර වාරිත්‍ර මගින් ආශිර්වාද ලබාගත්හ.