අල්කයිඩා ත්‍රස්ත සංවිධානයට ආධාර අනුබල දුන් බව කියන, දැනට විදේශගතව සිටින සැකකරුවන් 04 දෙනකු අත්අඩංගුවට ගන්නා ලෙස නියෝග කරමින්, ඉංග්‍රීසි භාෂාවෙන් රතු වරෙන්තුවක් නිකුත් කරන ලෙස කොළඹ අතිරේක මහේස්ත්‍රාත් පසන් අමරසිංහ ඊයේ (26) නියෝග කළේය.

ත්‍රස්ත විමර්ශන කොට්ඨාශයේ (TID) ඉල්ලීමකට අනුව මෙම රතු නිවේදන නිකුත් කර ඇත.

මෙම රතු වරෙන්තු නිකුත් කරනු ලැබුවේ කල්එළිය සහ කලගෙඩිහේනවල ප්‍රදේශවල පදිංචිව සිටින බවත්, දැනට ඕස්ට්‍රේලියාවේ සහ සිරියාවේ පදිංචිව සිටින බවත් පැවසෙන පියා හා පුතා සහ තවත් පුද්ගලයන් දෙදෙනකුට එරෙහිවයි.

ත්‍රස්ත විමර්ශන කොට්ඨාශය විසින් 2021 වසරේ සැකකරුවන් 16 දෙනෙකුට එරෙහිව නඩු පවරා ඇති අතර ඉන් හතර දෙනෙකුට රතු වරෙන්තු නිකුත් කර ඇත.

මෙලෙස රතු වරෙන්තු නිකුත් කර ඇත්තේ ඕස්ට්‍රේලියාවේ පදිංචිකරුවන් බව කියන අහමඩ් කලීල්,අහ්මාන් හලීන්, අබ්දුල් මොහොමඩ් ලෙබ්බේ සහ මොහොමඩ් පහිර් යන සිව්දෙනාටය.